ЯҢАЛЫКЛАР
Бүген Татарстан Республикасы Дәүләт Киңәшчесе Минтимер Шәймиев Россиянең беренче Президенты Борис Ельцинның хатыны Наина Ельцина һәм кызы Татьяна Юмашева белән очрашты.
Алар Казанга традицион “Ельцин кубогы 2017” халыкара теннис турниры ярышларын карарга килделәр.
Очрашуда үзенең хатыны белән Казан мэры Илсур Метшин, Россия Теннис федерациясе президенты Шамил Тарпищев, “Б.Н. Ельцинның президент үзәге” фондының идарә әгьзасы, РФ Президентының элеккеге киңәшчесе Владимир Шевченко, Валентин Юмашев катнашты.
Бүген Казан Кремлендә Татарстан Республикасы Президенты Рөстәм Миңнеханов исеменнән Ватанны саклаучылар көне уңаеннан тантаналы чара узды.
Тантанада Татарстан Республикасы Дәүләт Киңәшчесе М.Ш. Шәймиев тә катнашты.
Бүген Казанда Татарстан Фәннәр академиясенең Ш. Мәрҗани исемендәге Тарих институтының 20 еллыгы һәм аның директоры ТР ФАнең вице-президенты һәм академигы, тарих фәннәре докторы, танылган сәясәтче һәм җәмәгать эшлеклесе Рафаил Хәкимовка 70 яшь тулуга багышланган утырыш узды.
Институтның һәм аның җитәкчесенең юбилеена Татарстанның Дәүләт Киңәшчесе Минтимер Шәймиев, Татарстан Премьер-министры урынбасары Васыйл Шәйхразиев, ТР мәгариф һәм фән министры Энгель Фәттахов, ТР мәдәният министры Айрат Сибагатуллин һәм башкалар килгән иде.
Бүген бишенче чакырылыш Татарстан Республикасы Дәүләт Советының егерме бишенче утырышы узды. Чарада Татарстан Республикасы Президенты Рөстәм Миңнеханов, ТР Дәүләт Киңәшчесе Минтимер Шәймиев, төрле ведомстволар һәм министрлык вәкилләре катнашты.
Утырышны парламент башлыгы Фәрит Мөхәммәтшин алып барды.
Бүген Россия Федерациясе Дәүләт Думасы Рәисе Вячеслав Володин Иске Татар бистәсе территориясендә урнашкан тарихи һәм мәдәни мирас объектлары белән танышты.
Искәртәбез, Вячеслав Володин Татарстан Республикасына кыска вакытлы эш сәфәре белән килде.
Иске Татар бистәсе – Казан үзәгендә урнашкан тарихи урыннарының берсе. Бистәнең архитектура ансамбле элеккеге татар сәнәгатьчеләре, сәүдәгәрләре, руханилары йортларыннан гыйбарәт (Нариманов, Каюм Насыйри, ГабдуллаТукай урамнары).
Татарстан Республикасы Дәүләт Киңәшчесе Минтимер Шәймиев Россия гуманитар һәм социаль фәннәр академиясе һәм Россия юридик фәннәр академиясе академигы, Татарстанның атказанган фән эшлеклесе, К(П)ФУның атказанган профессоры, Татарстанның атказанган юристы, юридик фәннәр докторы, К(П)ФУ юридик факультетының конституцион һәм административ кафедрасы профессоры Борис Железновка “Татарстан Республикасы алдындагы фидакарь хезмәт өчен” орденын тапшырды. Бүләк академикның 90 яшьлеге уңаеннан булган тантанада тапшырылды.
Бүген Казан Кремлендә Татарстан Республикасы Дәүләт Киңәшчесе Минтимер Шәймиев Профсоюзларның гомуми конфедерациясе генераль секретаре Владимир Щербаков белән очрашты. Бу халыкара оешма БДБ илләренең профсоюзларын берләштерә.
Бүген ТР Дәүләт киңәшчесе, “Яңарыш” республика фондының Попечительлек Советы рәисе Минтимер Шәймиев Зөя утрау-шәһәрлегендә күчмә киңәшмә уздырды, ул мондагы объектлардагы төзелеш һәм төзекләндерү-реставрацияләү эшләренең барышына багышланган иде.
Аны ТР Дәүләт Советы рәисе урынбасары, “Яңарыш” фондының башкарма директоры Татьяна Ларионова, ТР Президенты Аппараты җитәкчесе урынбасары – ТР Дәүләт Киңәшчесе секретариаты җитәкчесе Олег Глебов, ТР мәдәният министры Айрат Сибәгатуллин, ТР гражданнар оборонасы һәм гадәттән тыш хәлләр министры Рафис Хәбибуллин, ТР Президенты каршындагы Дәүләт торак фонды башкарма директоры Тәлгать Абдуллин, Казан федераль университеты ректоры Илшат Гафуров, “Зөя утрау-шәһәрлеге” музей-саклаулыгы директоры Артем Силкин озата йөрде.
Бүген Татарстан Республикасы Дәүләт Киңәшчесе, “Яңарыш” республика фондының Попечительлек Советы рәисе Минтимер Шәймиев Казан Изге Ана иконасы соборын яңадан торгызу буенча күчмә киңәшмә уздырды.
Минтимер Шәймиев һәм Казан һәм Татарстан митрополиты Феофан Зур Кызыл урамында бара торган төзелеш мәйданчыгында булдылар.
Аларны ТР Дәүләт Советы урынбасары, “Яңарыш” республика фондының Административ советы рәисе Юрий Камалтынов, ТР Дәүләт Советы рәисе урынбасары , “Яңарыш” республика фондының башкарма директоры Татьяна Ларионова, ТР мәдәният министры урынбасары Светлана Персова, “Татинвестгражданпроект” ДУП генераль директоры Гадел Хөснетдинов, “Сетевая компания” ААҖ генераль директоры урынбасары Азат Мәҗитов, “ТР Баш инвестиция-төзелеш идарәсе” ДКИ директоры урынбасары Станислав Шырыбыров озата йөрде.
Бүген Татарстан Республикасы Дәүләт Киңәшчесе, “Яңарыш” фондының Попечительлек Советы рәисе, ЮНЕСКО эшләре буенча Россия Федерациясе комиссиясе әгъзасы Минтимер Шәймиев РФ Тышкы эшләр министрлыгының махсус йөкләмәләр буенча илчесе Элеонора Митрофанова һәм РФ спорт министры урынбасары –статс-секретарь Наталья Паршикова белән очрашты.