ЯҢАЛЫКЛАР
Татарстан Республикасы Дәүләт Киңәшчесе, Татарстанның беренче Президенты Минтимер Шәймиев, Башкортостан Республикасының беренче Президенты Мортаза Гобәйдулла улы Рәхимов вафат булуы сәбәпле, Башкортстан Республикасы башлыгы Радий Хәбировның кайгысын уртаклашты.
Татарстан Республикасы Дәүләт Киңәшчесе Минтимер Шәймиев «Теләкләр чыршысы» бөтенроссия хәйрия гамәле кысаларында Татарстан Республикасының Арча районыннан 9 яшьлек Зифа Вәлиева һәм Нурлат районыннан 13 яшьлек Азалия Мортазинаның Яңа ел теләкләрен тормышка ашырды.
Минтимер Шәймиев 21 декабрьдә «Корстон» КСККда «Теләкләр чыршысы»ннан аларның теләкләре язылган открыткаларны алды.
Бүген Казанның «Корстон» кунакханә-сәүдә-күңел ачу комплексында «Ел җитәкчесе-2022» республика иҗтимагый конкурсы лауреатларын бүләкләделәр. Тантанада Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев һәм Татарстан Премьер-министры Алексей Песошин катнашты.
Бүген Казанда алтынчы чакырылыш Татарстан Республикасы Дәүләт Советының утыз тугызынчы утырышы узды.
Анда Татарстан Президенты Рөстәм Миңнеханов, Татарстан Дәүләт Киңәшчесе Минтимер Шәймиев, республика министрлыклары һәм ведомстволары җитәкчеләре катнашты. Утырышны ТР Дәүләт Советы Рәисе Фәрит Мөхәммәтшин алып барды.
Җирле үзидарә органнары хезмәткәрләре, иң кискен мәсьәләләрне хәл итеп, гражданнар белән эшләүнең алгы сызыгында торалар. Бүген бу хакта Татарстан Республикасы Президенты Рөстәм Миңнеханов Казанның «Корстон» кунакханә-сәүдә-күңел ачу комплексында «Татарстан Республикасы Муниципаль берәмлекләр советы» ассоциациясенең XVII съездында хәбәр итте. Утырышта шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, төрле министрлыклар һәм ведомстволар җитәкчеләре, республика муниципаль берәмлекләре башлыклары катнашты.
Бүген Казанда, "Корстон" кунакханә-сәүдә-күңел ачу комплексында, "ТР Муниципаль берәмлекләр советы" ассоциациясенең XVII съезды башланыр алдыннан, Татарстан Республикасы Дәүләт Киңәшчесе Минтимер Шәймиев "Теләкләр чыршы" бөтенроссия хәйрия гамәлендә катнашты.
Бүген Мәскәүдә Россия Федерациясе Тышкы эшләр министры, ЮНЕСКО эшләре буенча РФ комиссиясе рәисе Сергей Лавров рәислегендә ЮНЕСКО эшләре буенча Россия Федерациясе комиссиясенең гомуми җыелышы узды.
Утырышта Татарстан Республикасы Дәүләт Киңәшчесе, ЮНЕСКО эшләре буенча РФ комиссиясе әгъзасы, мәдәниятара диалог буенча ЮНЕСКОның Игелекле ихтыяр илчесе Минтимер Шәймиев катнашты.
Татарстан Президенты Рөстәм Миңнеханов һәм ТР Дәүләт Киңәшчесе Минтимер Шәймиев бүген, Ватан Геройлары көнендә, Социалистик Хезмәт Герое, «Татарстан Геройлары» иҗтимагый оешмасының мактаулы рәисе Илдус Мостюков белән очраштылар.
Бүген, Ватан Геройлары көнендә, Татарстан Президенты Рөстәм Миңнеханов һәм ТР Дәүләт Киңәшчесе Минтимер Шәймиев Советлар Союзы Герое, Бөек Ватан сугышында катнашучы Борис Кириллович Кузнецов хөрмәтенә мемориаль такта ачтылар.
Бүген «Корстон» кунакханә-сәүдә-күңел ачу комплексында Бөтендөнья мәдәни һәм табигый мирасны саклау конвенциясенең 50 еллыгына багышланган халыкара форумның йомгаклау пленар утырышы узды.
Катнашучылар һәм кунаклар халыкара форум кысаларында тематик конференцияләр эшенә йомгак ясадылар һәм декларация кабул иттеләр.