ЯҢАЛЫКЛАР

Татарстан Республикасы Президенты Минтимер Шәймиев исеменә Россия Спорт көрәше федерациясе Президенты Михаил Мамиашвилидан хат килде. Ул республика башлыгын Татарстан спортчысының Гран-при "Иван Ярыгин" сериясендә хатын-кызлар көрәше буенча VII Халыкара турнирда уңышлы чыгыш ясавы уңаеннан тәбрик итә.

4 февраль көнне ТР Президенты Минтимер Шәймиев, Россия Сәнгать Академиясе Президенты Зураб Церетелиның Милли сәнгать галереясендәге күргәзмәсе белән танышты. Тантанада шулай ук ТР Премьер-министры урынбасары - мәдәният министры Зилә Вәлиева һәм башка рәсми затлар белән бергә, күпсанлы кунаклар катнашты.

2 февраль көнне Президент резиденциясенең Камин залында ТР Президенты Минтимер Шәймиев Татарстанның һәм Россиянең халык артисты Ринат Таҗетдиновка республикабызның иң зур бүләген - "Татарстан Республикасы алдындагы хезмәтләре өчен" орденын тапшырды.

31 гыйнвар көнне С.Сәйдәшев исемендәге Дәүләт Зур концерт залында ТР Дәүләт Советының 36 нче утырышы ачылды. Анда Татарстан Республикасы Президенты М.Ш.Шәймиев ТР Дәуләт Советына еллык юллама белән чыгыш ясый.

25 гыйнвар көнне Казан Кремлендә Россия студентлары көне уңаеннан Татарстан Президенты Минтимер Шәймиев Татарстан Республикасы махсус дәүләт стипендиясе стипендиатлары белән очрашты.

24 гыйнвар көнне Татарстан Президенты Минтимер Шәймиев Казан Кремлендә статс-секретарь - Наркотиклар әйләнешен контрольдә тоту буенча Федераль хезмәт директоры урынбасары Александр Федоров белән очрашты.

Татарстан Республикасы Президенты карары нигезендә Эльмира Маврина ТР Министрлар Кабинетының ЗАГС Идарәсе башлыгы вазифаларын башкаручы, Александр Кадаш ТР Хайваннар дөньясы объекталарын саклау һәм алардан файдалану идарәсе башлыгы вазифаларын башкаручы итеп билгеләнде, аларның кандидатуралары федераль башкарма хакимият органнары белән килештерелергә тиеш.

22 гыйнвар көнне Татарстан Республикасы Президенты Минтимер Шәймиев "Татарстан Республикасында чит ил инвестицияләре турында"гы Татарстан Республикасы Законына үзгәрешләр кертү турында"гы ТР Законын имзалады. Ул элеккеге законның яңа редакциясен тәкъдим итә.

18 гыйнвар Татарстан Президенты Минтимер Шәймиев, республика Эчке эшләр органнарының 2007 елгы оператив-хезмәт эшчәнлегенә багышланган коллегия утырышында, агымдагы елга яңа бурычлар билгеләде.