ЯҢАЛЫКЛАР

10 июнь көнне Татарстан Президенты Минтимер Шәймиев Минзәлә Сабан туенда катнашты. Гадәттәгечә, Минзәлә муниципаль районында язгы-кыр эшләре алдынгыларын хөрмәтләү иске аэродром территориясендә үткәрелде.

10 июньдә Минзәләдә узучы халкыбызның милли бәйрәме Сабан туенда Татарстан Президенты Минтимер Шәймиев хөрмәтле кунак булачак. Бәйрәм алдыннан республика башлыгы районның социаль-икътисади хәле белән дә танышырга ниятли.

ТР Президенты Минтимер Шәймиев җитәкчелегендәге Татарстан Республикасы делегациясе XI Петербург Халыкара икътисад форумында катнаша. Республика башлыгы Санкт-Петербургка 8 июньдә килде, ә 9 июньдә Россия төбәкләре башлыклары белән бергә форумның тантаналы ачылышында катнаша.

8 июньдә Татарстан Республикасы Президенты Минтимер Шәймиев Казан Кремлендә Россия Федерациясе Конституция Суды Рәисе Валерий Зорькин белән очрашты.

8 июнь көнне Татарстан Президенты Минтимер Шәймиев дөнья күләмендә танылган шәхес - Сингапур Республикасының остаз-министры 83 яшьлек Ли Куан Ю белән очрашты. Сингапурның элеккеге Премьер-министры Татарстанга Россия Федерациясенә эшлекле визиты кысаларында килде. Ул татар төбәгендәге социаль-икътисади вәзгыятьне үз күзләре белән күрергә, хезмәттәшлек мөмкинлекләрен билгеләргә теләде.

Казан Кремлендә Татарстан Президенты Минтимер Шәймиев Согуд Гәрабстаны Корольлегенең Мәдәният һәм мәгълүмат министры Айяд Әмин Мадани белән күреште. Очрашуда Татарстан белән Согуд Гәрабстаны арасында мәдәни хезмәттәшлек мәсьәләләре турында сүз барды.

7 июнь көнне Татарстан Республикасы Президенты Минтимер Шәймиев Казан Кремлендә, тынычлык һәм яшьләр үсешенә керткән өлеше өчен "Диалог һәм хезмәттәшлек өчен" Ислам конференциясе Яшьләр форумының (ИКЯФ) Мактаулы дипломы белән бүләкләнде. Илбашының, форум президенты, Төркия Премьер-министрының дини мәсьәләләре буенча киңәшчесе Али Сарыкая җитәкчелегендәге ИКЯФ делегациясе белән очрашуы әнә шундый күңелле мизгелләрдән башланды.

6 июньдә В.Качалов исемендәге театр сәхнәсендә Россиянең халык артисты, дәүләт премияләре лауреаты, Кече драма театры - Ауропа театрының сәнгать җитәкчесе Лев Додин куелышындагы "Дядя Ваня" спектакле күрсәтелде. Тамашачылар залында тормыш иптәше белән бергә Татарстан Президенты Минтимер Шәймиев тә бар иде.

Татарстан Республикасы Президенты Минтимер Шәймиев исеменә Россия Федерациясе икътисади үсеш һәм сәүдә министры Герман Грефтан хат килде.