ЯҢАЛЫКЛАР

25 май көнне Премьер-министр Рөстәм Миңнеханов рәислегендә "Татнефтехиминвест-холдинг" ААҖ Директорлар советының чираттагы утырышы узды. Аның көн тәртибенә 5 мәсьәлә чыгарылып, шуның өчесе оештыру эшләре белән бәйле иде. Утырышта холдингның генераль директоры, Директорлар советы рәисе һәм секретаре сайланды.

Татарстанда III Бөтенроссия мөселман яшьләре фестивале узачак. Фестивальне оештыручылар - ТР Яшьләр эшләре, спорт һәм туризм министрлыгы, ТР Министрлар Кабинеты каршындагы Дин эшләре идарәсе, ТР мыөселманнарның Диния нәзарәте, Россия ислам университеты, РФ татарларының Федераль милли-мәдәни автономиясе, "Идел" Яшьләр үзәге.

22 май көнне Казанда Халыкара хатын-кызлар клубының ахыргы утырышы булып узды. Ул "Хатын-кыз һәм дин, толерантлык" дип аталган темага багышланган иде. Билгеле булганча, Татарстан дөньяга бөтен традицион диннәргә карата үзенең толерантлыгы белән танылган төбәк булып санала.

2009 елда мәктәпне тәмамлап чыгучыларга мөрәҗәгать итеп, Казан шәһәре мэры Илсур Метшин: "Мәктәпнең соңгы кыңгырау чыңы - сезнең тормышыгызда иң әһәмиятле һәм тантаналы вакыйга. Бу көнне мәктәп белән саубуллашып, үзлектән хәл итәргә тиешле мәсьәләләр белән тулган олы тормышка ишек ачасыз. Әмма моңа хокукны сезгә чыгарылыш имтиханнарын уңышлы тапшырып раслыйсы бар", - дип кисәтә.

25 май көнне 13.00 сәгатьтә Казанда "Соңгы кыңгырау-2009" гомумшәһәр бәйрәме башланачак. Быел мәктәп һәм гимназияләрне тәмамлап чыгучы 7 меңнән артык егет һәм кыз "Татнефть-Арена" Боз спорт сараенда әлеге традицион чарада катнаша, дип хәбәр итә шәһәр Башкарма комитетының балалар һәм яшьләр эшләре буенча комитеты рәисе вазифаларын башкаручы Илнур Шакиров.

23 май көнне Никольское авылында "Каравон" рус фольклор фестивале ачылды. Өч гасырлык тарихы булган һәм язгы кыр эшләрен тәмамланганнан соң үткәрелә торган бу бәйрәм 1993 елдан башлап рәсми рәвештә рус халык җырлары фестивале статусын алды.

22 май көнне Кремльдә Татарстан Республикасы Президенты Минтимер Шәймиев дәүләт милке белән идарә итү буенча Федераль агентлык җитәкчесе Юрий Петров белән очрашты.

22 май көнне Татарстан Республикасы Премьер-министры Рөстәм Миңнеханов Казанга эш визиты белән килгән дәүләт милке белән идарә итү буенча Федераль агентлык җитәкчесе Юрий Петров белән очрашты.

2013 елгы Универсиадага потенциаль инвесторларны ничек итеп кунакханә, кафе-рестораннар төзелешенә җәлеп итәргә? Инвесторларга нинди төп инфраструктура объектлары тәкъдим ителәчәк? Казан Универсиадасына әзерлек мәсьәләләренә багышлап ТР Икътисад министрлыгында узган киңәшмәдә әнә шул сорауларга җавап эзләнде. Икътисад министры Марат Сафиуллин рәислегендә узган киңәшмәдә ТР Төзелеш, архитектура һәм торак-коммуналь хуҗалыгы, Яшьләр эшләре, спорт һәм туризм, Эчке эшләр министрлыклары вәкилләре катнашты, дип хәбәр итә министрлыкның матбугат хезмәте.

Быел Татарстан мәктәпләрен тәмамлаучы 25 688 кыз һәм егет өчен соңгы кыңгырау яңгыраячак.