ЯҢАЛЫКЛАР

Татарстан Республикасы Президенты Минтимер Шәймиев исеменә Россия Федерациясе авыл хуҗалыгы министры Алексей Гордеевтан татарстанлыларның зур хезмәт җиңүе - биш миллион тонна ашлык суктырулары белән котлаган телеграмма килде.

5 октябрьдә Татарстан Президенты Минтимер Шәймиев "Горбунов исемендәге Казан авиация җитештерү берләшмәсе" ФДУП территориясендә үткән "Берләштерелгән авиатөзелеш корпорациясе" (БАК) ААҖ Идарәсе утырышында катнашты.

5 октябрь көнне Татарстан Республикасы Президенты Указы буенча Фәррахов Айрат Зәки улы Татарстан Республикасы сәламәтлек саклау министры итеп билгеләнде.

Татарстан Республикасы Президенты Минтимер Шәймиев чирәмдәге хоккей командасы коллективына, "Диномо" җәмгыяте рәисе Әсгать Сәфәровка, клуб президенты Рөстәм Сабировка, баш тренер Араик Маргарянга Россия чемпионы исемен яулауга бәйле рәвештә котлау телегараммасы җибәрде.

3 октябрьдә Татарстан Республикасы Президенты Минтимер Шәймиев Казан Кремлендә "Аксенов - фест - 2007" Беренче халыкара әдәби-музыкаль фестивалендә катнашучы мәдәният әһелләре белән очрашты.

1 октябрьдә Мәскәүдә "Бердәм Россия" сәяси партиясенең VIII Съезды үз эшен башлады. Сәясәтчеләр очрашуында Россия Президенты Владимир Путин, партия Рәисе Борис Грызлов чыгыш ясадылар. Чарада партиянең Югары советы рәистәше Минтимер Шәймиев, "Бердәм Россия"нең Татарстан төбәк Сәяси советы секретаре Фәрит Мөхәммәтшин, Дәүләт Думасы вице-спикеры Олег Морозов катнаша.

30 сентябрьдә "Бердәм Россия" партиясенең Татарстан төбәк бүлеге делегатлары партиянең Бөтенроссия съездына китте. Китәр алдыннан Казан вокзалы каршында партия активистларның тантаналы митингы булды.

15 сентябрьдә "Бердәм Россия" сәяси партиясе Татарстан төбәк бүлегенең XII хисап-сайлау конференциясе үзенең эшен дәвам итте. Конференциядә алдагы чакырылыш Дәүләт Думасына депутатлыкка күрсәтелгән һәм республиканың барлык төбәк бүлекләрендә якланган кандидатлар расланды.

10 сентябрьдә Татарстан Президенты Минтимер Шәймиев тормыш иптәше белән чираттагы ялга китте.