ЯҢАЛЫКЛАР

Россия Президенты Указы нигезендә ТР буенча эчке эшләр министры милиция генерал-лейтенанты Әсгать Сәфәров "Законлылык һәм хокук тәртибен ныгытуда куйган хезмәтләре, оператив-хезмәт эшчәнлегендәге югары күрсәткечләр өчен" IV дәрәҗә "Ватан алдындагы хезмәтләре өчен" ордены белән бүләкләнде.

21-22 июнь көннәрендә, Иске Казан җирлегендә (Биектау районы), сәләтле балалар һәм яшьләрнең республикакүләм җыены узачак.

17 июньдә ТР Дәүләт Советының Законлылык һәм хокук тәртибе комитеты үзенең күчмә утырышын республиканың Яшел Үзән районында уздырды. Утырышның көн тәртибенә чыгарылган төп мәсьәлә Яшел Үзән, Лаеш, Югары Ослан һәм Биектау муниципаль районнарында хокук бозуларга каршы профилактика алып бару белән бәйле законнарны тормышка ашыруга багышланган иде. Комитет рәисе урынбасары Рафил Ногманов берничә эшче төркеме белән берлектә әлеге районнардагы хәлне өйрәнгән.

17 июньдә Казан Ратушасында башланып киткән Ислам башкалалары һәм шәһәрләре оешмасы Административ советының 27 нче утырышы, Россиядә беренче тапкыр буларак, Казанда үткәрелә. Казан исә бу оешмада 1992 елдан бирле әгъза-күзәтүче сыйфатында.

16 июньдә Люберцыда Мәскәү өлкәсендә Сабантуй бәйрәмен оештыру комитеты утырышы булды. Утырыш Люберцы муниципаль районы хакимияте башлыгының беренче урынбасары Ирина Назарина рәислегендә узды. Асылда, бу - 20 июньдә шәһәрнең мәдәният һәм ял паркында узачак Сабантуй бәйрәмен оештыру комитетының соңгы утырышы.

17 - 19 июньдә Ислам башкалалары һәм шәһәрләре оешмасы Административ советының 27 нче утырышы, Россиядә беренче тапкыр буларак, Казанда үткәрелә. Казан исә әлеге оешмада 1992 елдан бирле әгъза-күзәтүче сыйфатында һәм Россиядә тагын шундый ук дәрәҗәгә Грозный шәһәре (Чечен Республикасы) ия.

17 июньдә ТР Президенты Минтимер Шәймиев "Оешмаларның милкенә салымнар турында"гы Татарстан Республикасы Законының 3 маддәсе 1 пунктына үзгәрешләр кертү хакында", "Салым түләүчеләрнең аерым категорияләре өчен оешмалар табышына салым буенча салым ставкасын билгеләү турында"гы Татарстан Республикасы Законының 1 маддәсенә үзгәрешләр кертү хакында" һәм "Салым салуның гадиләштерелгән системасын кулланучы салым түләүчеләр өчен дифференциацияләнгән салым ставкаларын билгеләү хакында"гы Татарстан Республикасы законнарын имзалады.

"Созвездие-Йолдызлык" "Россия гаиләсе-2009" милли премиясенә лаек булды. Бүләк 27 июнь - Халыкара яшьләр көнендә, Мәскәүдә Зур Кремль сараеның Петровский залында тапшырылачак, дип белдерә ТР Мәдәният министрлыгы матбугат хезмәте.

17 июньдә ТР Эчке эшләр министрлыгының Менжинский исемендәге Мәдәният үзәгендә республиканың протестант оешмалары вәкилләре "Дини оешмалар һәм җәмгыять: аларның бер-берләренә йогынтысы һәм үзара җаваплылык" дигән темага конференция уздыра. Форум эшендә ТР Президенты Аппараты, ТР Министрлар Кабинеты каршындагы Дин эшләре идарәсе вәкилләре, шулай ук Мәскәүдән кунаклар катнаша.

Чаллы шәһәре мэры Илдар Халиков җитәкчелегендәге Татарстан Республикасы делегациясе Шаньдун провинциясенең Ляочен шәһәренә китте.