ЯҢАЛЫКЛАР

27 май көнне Казан Кремлендә Татарстан Президенты Минтимер Шәймиев рәислегендә, Татарстан Республикасында наркоманиягә каршы комиссиянең чираттагы утырышы узды.

28 майда Казанда дүртенче чакырылыш ТР Дәүләт Советының өченче утырышы уза. Сессия көн тәртибенә 50 мәсьәлә чыгарыла. Аларның 21е - Татарстан законнары проектлары; шулай ук ТР Прокуроры протестлары, ТР Дәүләт Советы закон инициативалары һәм мөрәҗәгате, федераль закон проектлары һәм РФ субъектлары дәүләт хакимияте закон чыгару органнарының закон инициативалары бар.

Татарстанның 2009 ел бюджетына кертелгән үзгәрешләрне парламент комитетларында карау дәвам итә. Бүген ТР Дәүләт Советының Мәдәният, фән, мәгариф һәм милли мәсьәләләр комитетында; Икътисад, инвестицияләр һәм эшмәкәрлек һәм Бюджет, салымнар һәм финанслар комитетларының уртак утырышында; Экология, табигатьтән файдалану һәм аграр мәсьәләләр буенча комитетта агымдагы елның яңартылган бюджет проекты белән танышачаклар.

ТР Премьер-министр урынбасары - мәдәният министры Зилә Вәлиева китап яратучыларны Бөтенроссия китапханәләр көне белән котлады.

28 май – Чик сакчылары көне. Бу уңайдан редакциябезгә Татарстан Республикасы хәрби комиссары генерал-майор С.Погодиннан котлау килде.

Быел җәй көне Мәскәү яки Адлер якларына сәяхәткә поездга утырып китәргә теләүчеләр отачак. Тиздән башкалага уңайлылыгы югары дә­рәҗәдә булган заманча состав кайтачак. Ул Казан – Мәскәү – Адлер маршруты буенча йөриячәк.

27 май – Гомумроссия китапханәләр көне. Бу уңайдан редакциябезгә ТР Премьер-министры урынбасары – мәдәният министры Зилә Вәлиевадан котлау килде.

Татарстанның кече һәм урта эшмәкәрлекне үстерү комитеты "яшь" эшмәкәрләр арасында игълан ителгән бәйгегә нәтиҗәләр ясаган. Конкурска барлыгы 230 гариза килгән. Нәтиҗәдә шуларның 95е җиңүче дип табылган.

Казан вертолет заводы делегациясенең вертолет индустриясенең "HeliRussia-2009" II халыкара күргәзмәсендә катнашу нәтиҗәләре турында 26 майда "Татар-информ" агентлыгы хәбәрчесенә Казан вертолет заводы генераль директорының тышкы икътисади элемтәләр буенча урынбасары Валерий Пашко сөйләде.

27 майда ТР Икътисад министрлыгында 2010 елга һәм 2015 елга кадәрге чорга республика үсешенең төп социаль-икътисади фаразлары каралачак. Чираттагы коллегия утырышы көн тәртибенә барлыгы 7 мәсьәлә чыгарыла.