ЯҢАЛЫКЛАР

февраль, 2009 ел

чәршәмбе

Минтимер Шәймиев Игорь Шувалов җитәкләгән комиссия эшендә катнашты

10 февраль көнне ТР Президенты Минтимер Шәймиев Россия икътисады үсешенең тотрыклылыгын арттыру буенча Хөкүмәт комиссиясе утырышында катнашты. Утырышны Мәскәүнең Хөкүмәт йортында Россия Федерациясе Хөкүмәте Рәисенең беренче урынбасары Игорь Шувалов үткәрде.

Семен Якупов Төркмәнстан президенты белән “Ефәк юлы” раллие хакында фикер алышты

Төркмәнстан президенты Гурбангулы Бердымөхәммәтов һәм “КАМАЗ–Мастер” командасы җитәкчесе Семен Якупов “Ефәк юлы” автораллиена әзерлек мәсьәләләре хакында фикер алышты.

февраль, 2009 ел

сишәмбе

Казанда Ризаэтдин Фәхретдиннең тууына 150 ел тулу уңаеннан конференция узачак

Республиканың мөселман җәмәгатьчелеге күренекле татар галиме, дин белгече, тарихчы, язучы һәм педагог Ризаэтдин Фәхретдиннең тууына 150 ел тулу уңаеннан конференция оештыра.

Икътисад министрлыгында “Татарстан имиджын формалаштыру” стратегиясе проекты тикшереләчәк

11 февральдә ТР Икътисад министрлыгында “Татарстан имиджын формалаштыру” стратегиясе проекты тикшереләчәк.

Олимпия үрләренә юл ачсын!

Дәүләт Советы Рәисе Фәрит Мөхәммәтшин Чистайда "Продмаркет кубогы – 2009" спорт бал биюләре буенча Россия күләмендәге турнирны ачуда катнашты.

Студентларга "шакырга" кирәк

"Кризис вакытында сайлауларда катнашучылар күп булырмы икән дип борчылабыз". Кичә республика югары уку йортлары ректорлар советы утырышында Татарстан Дәүләт Советы Рәисе Фәрит Мөхәммәтшин шулай дип белдерде. Парламент җитәкчесе сүзләренә караганда, студентлар арасында да сайлауга битарафлар булмаска тиеш, аларның күңеленә барып җитәрлек итеп "шакырга" кирәк.

Метроның эш сәгате озая

Казан метросы поездларының эш көне бер сәгатькә озыная. Поездлар пассажирларны хәзер төнге 12 гә хәтле йөртәчәк, дигән сүз бу.

февраль, 2009 ел

дүшәмбе

Мәскәүдә Татарстан Эчке эшләр министрлыгы эшенә югары бәя бирелде

2009 елның 6 февралендә Мәскәүдә Россия Федерациясе эчке эшләр министры армия генералы Рәшит Нургалиев рәислегендә Россия Эчке эшләр министрлыгы коллегиясенең киңәйтелгән утырышы булды. Коллегия эшендә Россия Федерациясе Президенты Дмитрий Медведев катнашты.

Кремльдә Хәйрия эшчәнлеге мәсьәләләре буенча республика советының чираттагы утырышы узды

9 февральдә Кремльдә ТР Президенты Минтимер Шәймиев рәислегендә Хәйрия эшчәнлеге мәсьәләләре буенча республика советының чираттагы утырышы узды. Бу утырыш, башкаларыннан аермалы буларак, гадәти булмаган формада башланып китте. Республика советы әгъзалары һәм чакырылган кунаклар җиңел атлетика буенча РФ атказанган тренеры Ольга Павлова, легендар спортчы, Дәүләт Советы депутаты Светлана Демина, Пекинда узган Олимпия уеннарының көмеш призеры Елена Мигунова һ.б. кушылып зарядка ясады.

ТР Президенты ике законга кул куйды

9 февральдә ТР Президенты Минтимер Шәймиев "Татарстан Республикасында муниципаль хезмәт турында"гы Татарстан Республикасы Законына үзгәрешләр кертү хакында" һәм "Татарстан Республикасы муниципаль норматив хокук актлары регистры турында"гы Татарстан Республикасы законнарын имзалады.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ