ЯҢАЛЫКЛАР

21 июль Казан Кремлендә Татарстан Президенты Минтимер Шәймиев һәм Мәскәү һәм Бөтен Русия Патриархы Алексий II катнашында Благовещение кафедраль соборын ачу һәм башкалага Казан Изге ана иконасын тапшыруга багышланган матбугат конференциясе узды.

15 июльда РФ һәм ТР Дәүләт бүләкләрен тапшыру тантанасында Татарстан Президенты Минтимер Шәймиев Татар дәүләт гуманитар-педагогия университетын төзүгә кагылышлы сорауларга җавап бирде.

15 июльда Татарстан Президенты Минтимер Шәймиев Казан Кремлендә РФ һәм ТР Дәүләт бүләкләре тапшырды. Тантанада 50гә якын мәдәният, фән, мәгариф, сәламәтлек саклау, социаль өлкә һәм сәнәгать хезмәткәре катнашты.

13 июльда Татарстан Президенты Минтимер Шәймиев Казан Кремлендә Россиянең танылган актрисасы Чулпан Хаматова (Казанда туган) белән очрашты. Актриса үзенең иҗади карьерасын Казан театр училищесында башлаган, аннары Мәскәүдә Россия театр сәнгате академиясенә кергән.

“Шәһәр һәм авыл балаларын тәрбияләү шартларында аерма булырга тиеш түгел”, - дип игълан итте бүген ТР Президенты Минтимер Шәймиев республиканың Актаныш районы Яңа Әлем авылы халкын мәдәни-спорт үзәгенең реконструкциядән соң ачылуы белән котлап.

11 июльдә Татарстан Республикасы Президенты Минтимер Шәймиев Актаныш районына килде.
Дүшәмбе көнне М.Шәймиев Әнәк авылында Нур Баян һәйкәленә чәчәкләр салды һәм музей комплексы белән танышты. Пучы авылында Президент мәктәпкә, мәдәният йортына һәм балалар иҗат йортына керде, авыл хуҗалыгы кырларын карады.
12 июльдә Президент Актаныш авылының яңа төзелгән объектларын – Җиңү паркын, музейны, автовокзалны карарга ниятли, аннан соң М.Шәймиев Яңа Әлем авылында яңартып корылган мәдәният йортын тантаналы ачуда катнашачак, авыл хуҗалыгы җитәкчеләре белән очрашачак.
Көндез Президент ясалма бозлы Спорт сараена беренче таш салу тантанасында катнашачак һәм район халкы белән очрашачак.

Казан Кремлендә Татарстан Президенты Минтимер Шәймиев белән Дәүләт Думасының җирле үзидарә мәсьәләләре комитеты рәисе Владимир Мокрый очрашуында Россиядә үткәрелүче җирле үзидарә органнары реформасын гамәлгә ашыруның төп мәсьәләләре каралды.

РФ Тышкы эшләр министры Сергей Лавров Татарстанның халыкара һәм тышкы икътисади элемтәләрне тормышка ашыру тәҗрибәсен киңкүләм таратылуга лаек, дип атады. Россиянең Тышкы эшләр министрлыгы каршындагы Россия Федерациясе субъектлар башлыклары Советының Мәскәүдә Татарстан Президенты Минтимер Шәймиев катнашында үткән утырышында ике төп мәсьәләнең берсе - Татарстан тәҗрибәсен өйрәнү иде.

7 июльда Мәскәүдә төш вакытында Тышкы эшләр министрлыгында РФ субъектлар башлыклары Советының V утырышы була, анда Татарстан Президенты Минтимер Шәймиев чыгыш ясаячак, дип көтелә.

4 июльда Татарстан Республикасы Президенты Минтимер Шәймиев ТРның Әтнә районына эшлекле сәфәр кыла. Республика Илбашы Ленин исемендәге авыл хуҗалыгы җитештерү комплексында булырга, бөртекле культуралар чәчүлекләрен карарга ниятли. Аннары Минтимер Шәймиев Зур Әтнә район үзәгендә Мәдәни-спорт комплексы ачу тантанасында катнашачак.