ЯҢАЛЫКЛАР

Казан дәүләт университетында агымдагы елның 19-24 август көннәрендә Казан дәүләт университетында "Астрономия һәм бөтендөнья мирасы: вакытлар һәм континентлар аша" дип аталган халыкара конференция уза. ТР Фәннәр академиясенең рәсми сайтыннан алынган хәбәрләргә караганда, җыен БМО тарафыннан игълан ителгән Халыкара астрономия елы кысаларында ЮНЕСКО ярдәме белән оештырыла.

13 августта Чаллыда хәйрия эшчәнлеге мәсьәләләре буенча Республика советының пленар утырышы узды. Чарада Татарстан Президенты Минтимер Шәймиев катнашты.

Тиздән "Идея" технопаркы базасында "ТР инновацияле идеяләрен үстерү клубы" ачылачак. Оешманың вазифасы клуб әгъзалары белән инновацион эшләнмәләрнең потенциаль заказчылары булган эре бизнес вәкилләре арасында үзара хезмәттәшлек булдырудан гыйбарәт. Ул шулай ук республикада социаль-икътисади, фәнни-гамәли, мәдәни, экология, инновацияле эшчәнлекне үстерү һәм инновацияле проектларны гамәлгә ашыру белән бәйле мәсьәләләргә заманча чишелешләр табуны максат итә.

18 августта Татарстанга бер көнлек эш сәфәре белән Россия Пенсия фонды башлыгы Антон Дроздов килә. Бу хакта Россия Пенсия фондының ТР буенча бүлегеннән хәбәр иттеләр.

13 августта Чаллыда хәйрия эшчәнлеге мәсьәләләре буенча Республика советының пленар утырышы уза. Чарада Татарстан Президенты Минтимер Шәймиев катнаша.

Татарстанда 1,9 миллион тонна ашлык җыеп алынган. Бөртекле һәм бөртекле-кузаклы культуралар 734,5 мең гектарда суктырылган, дип хәбәр итә ТР Авыл хуҗалыгы һәм азык-төлек министрлыгының матбугат хезмәте.

"Белем бирүнең сыйфаты укытучының әзерлек дәрәҗәсеннән тора", - дип белдерде бүген ТР Мәгариф һәм фән министры Альберт Гыйльметдинов. Казанның 7 нче гимназиясендә, республика педагогларының август конференциясе кысаларында, "Мәгарифне PRлаштыру: педагогик җәмәгатьчелекнең массакүләм мәгълүмат чаралары белән хезмәттәшлек итүенең нәтиҗәле юллары" дип аталган секция утырышы вакытында.

Республиканың икътисади зоналарын үстерүгә багышланган күчмә киңәшмәләр Чистай районында тәмамланды. Биредә узган киңәшмәдә Кама аръягы зонасына кергән Аксубай, Алесеевский, Әлки, Яңа Чишмә, Нурлат, Спасс, Чистай районнары җитәкчеләре катнашты, дип хәбәр итә Икътисад министрлыгының матбугат хезмәте.

12 августта ТР Министрлар Кабинетында "Агымдагы елда Татарстан Республикасы дәүләт хакимияте башкарма органнары эшчәнлегенең нәтиҗәлелеге турында" дигән темага киңәшмә узды.

Билгеле булганча, Татарстанга БМО ның сәнәгатьне үстерү буенча оешмасының (ЮНИДО) Россиядәге халыкара сәнәгый хезмәттәшлек үзәге вәкилләре килде. Бүген Министрлар Кабинетында Премьер-министр Рөстәм Миңнеханов үзәк директоры Сергей Коротков белән очрашты. Бу хакта Министрлар Кабинетының матбугат хезмәте хәбәр итә.