ЯҢАЛЫКЛАР
21 декабрь көнне Татарстан Республикасы Дәүләт Советының өченче чакырылыштагы утыз дүртенче утырышы дәвам итә. Утырышта ТР Президенты Минтимер Шәймиев, ТР Премьер-министры Рөстәм Миңнеханов, ТР Прокуроры Кафил Әмиров ТР Конституция һәм Югары мәхкәмәләре, ТР Хисап палатасы, РФ һәм ТР Иҗтимагый палаталары, РФ Федерация Советы вәкилләре катнаша.
20 декабрь көнне Габдулла Тукай исемендәге Татар дәүләт филармониясенең 70 еллык юбилеен билгеләп үтү кичәсендә, Татарстан Республикасы Президенты Минтимер Шәймиев филармония коллективына котлау сүзләрен җиткерде. Илбашы тантанага тормыш птәше Сәкинә ханым белән килгән иде.
Татарстан Президенты Минтимер Шәймиев Татарстан Республикасы мөселманнары Диния нәзарәте рәисе мөфти Госман хәзрәт Исхаковка Корбан бәйрәме уңаеннан котлау телеграммасын юллады.
18 декабрь көнне Татарстан Президенты Минтимер Шәймиев башкаланың Казансу елгасы ярында яңа йортлар төзү проекты белән танышты. Казан шәһәре хакимияте заказы буенча, киләчәктә елганың уң як ярында яңа торак йортлар һәм эшлекле үзәкләр балкып чыгачак.