ЯҢАЛЫКЛАР

12 февральдә Россия дәүләте башлыгы Владимир Путинның Якын Көнчыгыш илләренә рәсми визиты барышында  делегация әгъзасы сыйфатында катнашучы ТР Президенты Минтимер Шәймиев Катарның финанс министры Юсеф Хөсәен Камал белән Катар һәм Татарстан арасында хезмәттәшлек перспективалары турында фикер алышты.

Татарстан Президенты Минтимер Шәймиев РФ Президенты Владимир Путинның Якын Көнчыгыш илләренә рәсми визиты кысаларында Россия һәм Согуд Гарәбстаны бизнесменнары катнашында уза торган эшлекле форумда катнаша.

11 февраль көнне Әр-Риядта Татарстан Президенты Минтимер Шәймиевкә король Фейсал исемендәге Халыкара премия тапшырылды. Минтимер Шәймиев аның акчасын – 200 мең доллар – хәйрия максатларына юнәлтергә ниятли.

8 февральдә Татарстан Республикасы Президенты Минтимер Шәймиев Казан Кремлендә Швейцария Конфедерациясенең Россия Федерациясендәге Гадәттән тыш һәм Тулы вәкаләтле Илчесе Эрфин Хофер белән очрашты.

7 февраль көнне Татарстан Президенты Минтимер Шәймиев Балтач муниципаль районына эшлекле сәфәре кысаларында районның Чепья авылында яңа мәдәният йортын ачу тантанасында катнашты.

“Россия – ислам дөньясы” стратегик күзаллау төркеме башкарма комитет төзергә һәм махсус фонд гамәлгә кертергә тели. Бу хакта 2 февральдә ТР Президенты Минтимер Шәймиев Истанбулда тәмамланган форум нәтиҗәләренә багышланган матбугат конференциясендә белдерде.

1 февральдә Истанбулда "Россия – ислам дөньясы" стратегик күзаллау төркеменең өченче утырышы ачылды. Аның эшендә рәистәш буларак Татарстан Президенты Минтимер Шәймиев катнаша.

31 гыйнвар көнне кич белән Татарстан Президенты Минтимер Шәймиев Истанбулга килде.

31 гыйнварда ТР Дәүләт Советының өченче чакырылыштагы 29нчы утырышы ачылды. Аның эшендә ТР Президент Минтимер Шәймиев катнаша. Көн тәртибенә, аерым депутатлар тәкъдимен дә исәпкә алып, 40 тан артык мәсьәлә чыгарылды. Шуларның икесе – республикада аз керемле гражданнарны социаль найм шартларында торак белән тәэмин итүгә кагылышлы.

30 гыйнварда Татарстан Республикасы Президенты Минтимер Шәймиев Казан Кремлендә, республика авыл хуҗалыгы җитештерүчәнлегенең алдынгы хезмәткәрләре белән очрашты.