ЯҢАЛЫКЛАР

10 мартта Мәскәүдә РФ Тышкы эшләр министрлыгы бинасында 16 сәгатьтә РФнең ЮНЕСКО эшләре буенча комиссия утырышы булачак. Анда Татарстан Президенты Минтимер Шәймиев тә катнаша. Минтимер Шәймиевкә Россия Федерациясе белән ЮНЕСКО арасында хезмәттәшлеккә шәхси өлеш керткәне өчен диплом һәм "Россия-ЮНЕСКО" истәлекле медале тапшырылачак, дип көтелә.

9 мартта Россия Президенты Владимир Путин Татарстан Президенты Минтимер Шәймиев белән Казанның мең еллыгын бәйрәм итүгә әзерлек барышы турында күрешеп сөйләште.

"Труд" газетасында басылып чыккан интервьюда Татарстан Президенты Минтимер Шәймиев заманча социаль реформаларда икътисад һәм әхлаклылык арасында үзара элемтә барлыгын билгеләп үтте. Шуның белән бергә, әлеге реформаларны тормышка ашыру белән бәйле кискен моментлар булуын да ассызыклады.

"Торак-коммуналь хуҗалык хезмәтләренең хакын төшерү - бүгенге көндә Татарстанда мөһим бурычларның берсе итеп билгеләнде", - диде ТР Президенты Минтимер Шәймиев бу атнада "Интерфакс" агентлыгына биргән интервьюсында.

Татарстан Республикасы Президенты М.Шәймиевнең Халыкара хатын-кызлар көне 8 нче Март уңаеннан хатын-кызларга мөрәҗәгате.

Татарстан Президенты Минтимер Шәймиев исеменә Фәнни ачышлар һәм уйлап табулар халыкара академиясе президенты В.Потоцкий тарафыннан җибәрелгән хатта А.Н.Туполев исемендәге Казан дәүләт техник университет профессоры Владимир Павловның зур әһәмияткә ия булган ачыш ясавы турында хәбәр ителә.

Илбашы ак калага сәфәрен орган залын ачуга багышланган концертны тамаша кылудан башлады. 800 урынлы, акустик яңгырашы ягыннан Россиядә тиңе булмаган мондый гүзәл залны төзүгә тотылган чыгымнар акланыр, дигән өмет бар. Киләчәктә монда чит илләрдән дә атаклы музыкантлар, джаз осталары килүе көтелә.

Казанның "Пирамида" комплексында "Ел җитәкчесе" дип аталган республика бәйгесе булып үтүе турында газетабызның узган санында әйткән идек инде. Әлеге тантанада Татарстан Президенты Минтимер Шәймиев, ТР Премьер-министры Рөстәм Миңнеханов, ТР Дәүләт Советы Рәисе Фәрит Мөхәммәтшин катнашты.

ТР Икътисад һәм сәнәгать министрлыгында үткән коллегия утырышында 2004 елда Татарстан Республикасында социаль-икътисади үсеш йомгаклары һәм 2005 елга бурычлар төп тема булды. Коллегия эшендә ТР Президенты Минтимер Шәймиев, ТР Премьер-министры Рөстәм Миңнеханов, ТР Дәүләт Советы Рәисе Фәрит Мөхәммәтшин катнашты.

ТР Дәүләт Советы утырышында РФ субъектлары башлыкларын сайлауның яңа тәртибенә бәйле “Татарстан Республикасы Конституциясе үзгәрешләр һәм өстәмәләр кертү турында”гы закон проекты беренче укылышта кабул ителде.