ЯҢАЛЫКЛАР
17
март, 2009 ел
сишәмбе
17 мартта Мәскәүдә Россиянең беренче вице–премьеры Игорь Шувалов рәислегендә 2013 елда Казанда Универсиада үткәрүгә әзерлек буенча Оештыру комитеты утырышы узачак.
Россия Федерациясендә Яшьләр елы кысаларында 23–27 март көннәрендә Казанның “Сосновый бор” лагеренда Татарстан Республикасы яшьләр һәм балалар иҗтимагый берләшмәләре лидерлары һәм җитәкчеләренең VII республика конкурсы узачак.
"Татарстан белән Австрия арасындагы хезмәттәшлектә потенциал тулысынча файдаланылмый. Ике якның мөмкинлекләре күпкә зуррак." Бүген Кремльдә Австриянең РФ Гадәттән тыш һәм Тулы вәкаләтле илчесе Мартин Вукович җитәкчелегендәге делегация белән очрашу вакытында ТР Президенты Минтимер Шәймиев әнә шулай дип белдерде.
16
март, 2009 ел
дүшәмбе
Татарстанга Австрия Республикасының РФ дәге Гадәттән тыш һәм Тулы вәкаләтле илчесе Мартин Вукович җитәкчелегендә эшлекле даирә делегациясе килде. Сәфәрнең максаты – Австрия компанияләре белән Татарстан предприятиеләре арасында икътисадның төрле өлкәләрендә хезмәттәшлекне үстерү.
Татар дәүләт гуманитар-педагогика университетының татар филологиясе факультеты базасында агымдагы елның 20 мартында татар әдәбияты классигы Әмирхан Еникинең тууына 100 ел тулу уңаеннан халыкара фәнни-гамәли конференция уза.
14
март, 2009 ел
шимбә
21 март көнне ТР Милли музеенда экскурсоводлар өчен бәйге үткәрелә. Ул, Франкофония көннәре кысаларында, “Альянс Франсез – Казан” оешмасы тарафыннан, Казан дәүләт университеты Тел институтының француз теле кафедрасы һәм Милли музей белән берлектә оештырыла.
13
март, 2009 ел
җомга
13 мартта Казан Кремлендә үз өлкәләрендә зур казанышларга ирешкән бертөркем хезмәт алдынгыларына Россия һәм Татарстанның дәүләт бүләкләре тапшырылды. Президент Резиденциясе залына җыелган 50 дән артык кеше арасында төрле һөнәр ияләре - дәүләт эшлеклеләре, икътисадчылар, эшчеләр, предприятие, хуҗалык, муниципалитетлар җитәкчеләре, галимнәр, хокук белгечләре, мәдәният-сәнгать әһелләре бар иде.
Г.Тукай исемендәге дәүләт бүләкләре буенча ТР Президенты каршындагы комиссия, 2009 елда премиягә дәгъва итүчеләрнең әсәрләрен һәм эшләрен тикшергәннән соң, түбәндәге кандидатларны бүләккә тәкъдим итү турында карар кабул итте, дип белдерә ТР Мәдәният министрлыгы матбугат хезмәте.
Хәзерге вакытта Казан Ратушасында мэр Илсур Метшин рәислегендә шәһәр Думасының XXXIX сессиясе бара. Быел беренче үткәрелә торган сессия эшендә ТР Премьер-министрының беренче урынбасары Борис Павлов, ТР Дәүләт Советы рәисе урынбасары Александр Гусев, ТР министрлыклары һәм Хисап палатасы, шәһәр прокуратурасы җитәкчеләре һ.б. рәсми затлар, шулай ук IV чакырылыш ТР Дәүләт Советына яңа сайланган депутатлар катнашты.
12 мартта Татарстанның Урман хуҗалыгы министрлыгында Словения Икътисад вәкиллегенең директоры Видко Филипич булды.
Датасы буенча тикшерү
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз