ЯҢАЛЫКЛАР
25
февраль, 2009 ел
чәршәмбе
25 февраль көнне ТР Министрлар Кабинетында 2008 елның 15 апрелендә Татарстан Республикасы һәм Торак–коммуналь хуҗалыгын реформалаштыруга ярдәм күрсәтү фонды арасында төзелгән килешүгә кул куелды. Аның нигезендә, республика Фондтан 2009 елда ТР территориясендә күпфатирлы йортларны капиталь ремонтлауга 4,71 миллиард сум акча алачак.
25 февраль көнне ТР Министрлар Кабинетында Премьер-министр Рөстәм Миңнеханов "Хьюлетт-Паккард" компаниясе (АКШ) генераль директоры Оуэн Кристофер Кемп белән очрашты.
25 февраль көнне Казанга Россия Хөкүмәте рәисе урынбасары Дмитрий Козак, "Торак-коммуналь хуҗалыгын реформалаштыруга ярдәм күрсәтү фонды" дәүләт корпорациясе генераль директоры Константин Цицин һәм РФ төбәкләр үсеше министры урынбасары Сергей Круглик килде.
Алабугада икътисади кризис шартларында Инвестицияләр җәлеп итү буенча агентлык ачып, эшмәкәрләр белән актив эшләргә карар иткәннәр. Алабуга территориясенә киләчәк компанияләр үзләре өчен генә түгел, ә территорияне үстерү өчен дә эшләргә тиеш.
Казанда кече бизнес икътисад эшчәнлегенең барлык өлкәләренә үтеп керде. Узган елда ул үзенең үсешендә әйбәт күрсәткечләргә иреште. Шәһәр мэриясендә үткән киңәшмәдә Казан башкарма комитетының икътисадый үсеш комитеты рәисе Азат Шәрәпов әнә шулай дип белдерде.
24
февраль, 2009 ел
сишәмбе
24 февраль көнне Пенсия фондының ТР бүлеге, аның бүлекчәләре март индексациясен башкару өчен әзер. Татарстан бүлеге җитәкчесе Марсель Имамов республикада хезмәт һәм социаль пенсияләрнең индексациясе вакытында башкарылып, пенсияләр гражданнарга тоткарлыксыз түләнәчәк дип ышандырды.
25-27 февраль көннәрендә ТР Сәнәгать һәм сәүдә министрлыгында республика предприятиеләренең кризиска каршы программалары каралачак.
24 февраль көнне Татарстан Президенты Минтимер Шәймиев "Түбән Кама Нефтехим" ачык акционерлык җәмгыятенең полиолефин заводында полиэтилен производствосын ачу тантанасында катнашты.
24 февраль көнне ТР Дәүләт Советы Рәисе Фәрит Мөхәммәтшин Татарстанның Баулы һәм Ютазы районнарына эш сәфәре кылды.
21
февраль, 2009 ел
шимбә
21 февраль көнне Татарстан Республикасы Президенты Минтимер Шәймиев Ватанны саклаучылар көненә багышланган Сәйдәшев исемендәге Зур концертлар залында үткән тантаналы чарада катнашты.
Датасы буенча тикшерү
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз