ЯҢАЛЫКЛАР


15
ноябрь, 2006 ел
чәршәмбе
14 ноябрь көнне Татарстан Республикасы Президенты Минтимер Шәймиев Казанда яңа кунакханә-сәүдә-күңел ачу комплексы “Korston”ны ачу тантанасында катнашты.

14
ноябрь, 2006 ел
сишәмбе
14 ноябрь көнне Татарстан Республикасы Президенты Минтимер Шәймиев, Казан ярминкәсе Баш павильонының Ак залында “Коррупциягә каршы көрәш проблемалары турында” Идел буе федераль округының фәнни-гамәли конференциясендә катнашты.

11
ноябрь, 2006 ел
шимбә
11 ноябрь көнне Казанда “Бердәм Россия” Бөтенроссия сәяси партиясенең Татарстан төбәк бүлеге үзенең XI конференциясен үткәрде.

9
ноябрь, 2006 ел
пәнҗешәмбе
9 ноябрь көнне Казан Кремлендә ТР Президенты Минтимер Шәймиев җитәкчелегендә террорга каршы комиссия утырышы узды. Биредә "Казан" һәм "Бегишево" халыкара аэропортларын террордан саклау дәрәҗәсе турында сүз барды.

8
ноябрь, 2006 ел
чәршәмбе
8 ноябрь көнне Казанның "Динамо" чирәмдәге хоккей командасы уенчылары һәм тренерлары Татарстан Республикасы Президенты Минтимер Шәймиев белән очраштылар. Билгеле булганча, казанлылар быел инде дүртенче тапкыр рәттән Россия чемпионатында беренче урынны яулап алдылар. Казан Кремленең тантаналар залында Минтимер Шәймиев “Динамо” уенчыларына бүләкләр һәм данлы исемнәр бирелү турында таныклыклар тапшырды.

7
ноябрь, 2006 ел
сишәмбе
7 ноябрь көнне Казан Кремле территориясендә “Татар халкы һәм Татарстан Республикасы дәүләтчелек тарихы” музей-мемориаль комплексы ачылды. Тантаналы ачылышта Татарстан Президенты Минтимер Шәймиев катнашты.

3
ноябрь, 2006 ел
җомга
3 ноябрь көнне Казан Кремлендә "Алтын йөрәкле кеше" дүртенче республика конкурсы лауреатлары һәм җиңүчеләрен тантаналы рәвештә бүләкләү булды. Бүләкләү тантанасында ТР Президенты Минтимер Шәймиев, Премьер-министрының беренче урынбасары Равил Моратов һәм ТР Дәүләт Советы Рәисе Фәрит Мөхәммәтшин катнашты.

3 ноябрь көнне Казан Кремлендә ТР Президенты Минтимер Шәймиев Татарстан Фәннәр академиясе вице-президенты, Россия Фәннәр академиясенең әгъза-корреспонденты Кев Салихов белән очрашты. Республика башлыгы галимне бүген билгеләп үтәчәк 70 яшьлеге белән тәбрик итте һәм аңа Татарстанның югары бүләген – “ТР алдындагы казанышлары өчен” орденын тапшырды.


2
ноябрь, 2006 ел
пәнҗешәмбе
 Казан үзәгендә – Габдулла Тукай мәйданында – "Кольцо" дип исемләнгән сәүдә-күңел ачу комплексы ачылды. Бу уңайдан узган тантанада Татарстан Президенты Минтимер Шәймиев, Россия Президентының Идел буе федераль округындагы вәкаләтле вәкиле Александр Коновалов, ТР Дәүләт Советы рәисе Фәрит Мөхәммәтшин, РФ Дәүләт Думасы депутаты Айрат Хәйруллин һәм республиканың башка рәсми затлары катнашты.

РФ Президентының Идел буе федераль округында Тулы вәкаләтле вәкиле Александр Коновалов, якынлашып килүче Халыклар бердәмлеге көне уңаеннан, ТР Мәдәният министрлыгында ПФОның мөселман җәмәгатьчелеге белән очрашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International