ЯҢАЛЫКЛАР

22 ноябрь көнне Татарстан Президенты Минтимер Шәймиев Казан Кремлендә социаль ипотека мәсьәләләре буенча эшлекле киңәшмә үткәрде, дип хәбәр итә Президентның матбугат үзәге. Сөйләшүдә "Татарстан Республикасында төзелешне үстерүдә дәүләт ярдәме чаралары турында"гы ТР Законының әзерлек барышы тикшерелде. Әлеге закон якын арада икенче укылышта карау өчен ТР Дәүләт Советына тапшырылырга тиеш.

Татарстан Республикасы Президенты Минтимер Шәймиев "Президент-2004" номинациясендә "Россиянең Милли Олимпы" премиясендә лаек булды. 20 ноябрь көнне Мәскәүнең Дәүләт Кремль сараенда үткән бүләкләү тантанасында М.Шәймиев өчен "Алтын Олимп" билгесен һәм Дипломын Татарстанның Россия Федерациясендәге Вәкаләтле Вәкиле Нәзиф Мириханов алды. Татарстан Президетына әлеге мактаулы титул "милләтара һәм динара бердәмлек булдыруы, Татарстан Республикасын Аурупа дәрәҗәсендәге төбәккә әверелдерүе" өчен тапшырылды.

Татарстан Республикасы Президенты М.Ш.Шәймиевнең Ураза бәйрәме уңаеннан республика мөселманнарына мөрәҗәгате

"Интерфакс" агентлыгына биргән әңгәмәсендә Татарстан Республикасы Президенты Минтимер Шәймиев Илбашы Владимир Путин тәкъдим иткән инициативаларына үз мөнәсәбәтен белдерде. Аерым алганда, республика Президенты фикеренчә, теге яки бу субъектка җитәкче итеп Россия Президенты тәкъдим иткән канидатураны җирле парламент якламаган очракта әлеге органның таратылырга тиеш булуы Россия Конституциясенә каршы килә.

Татарстан Президенты Минтимер Шәймиев Һиндстан Республикасының Россия Федерациясендәге Гадәттән тыш һәм Вәкаләтле Вәкиле Канвал Сибал җитәкчелегендәге делегацияне кабул итте. Очрашуда Татарстан ягыннан ТР Президенты Аппараты җитәкчесе Экзам Гобәйдуллин, Президентның халыкара мәсьәләләр буенча киңәшчесе Тимур Акулов, сәүдә һәм тышкы икътисади хезмәттәшлек министры Хафиз Салихов, Казан хакимияте башлыгы урынбасары Фәрит Ишмаков катнашты.

5 ноябрь көнне ТР Министрлар Кабинетында ТР Президенты Минтимер Шәймиев катнашлыгында республикада торак-коммуналь хуҗалыгы тармагындагы үзгәрешләр, торак һәм коммуналь хезмәт өчен түләүдә адреслы социаль ярдәм күрсәтү мәсьәләләренә багышланган киңәшмә уздырылды.

28 октябрьдә Татарстан Президенты Минтимер Шаймиев Казакъстан Республикасы Президенты Нурсолтан Назарбаев чакыруы буенча Казакъстан башкаласы Астанага китте. Татарстанның рәсми делегациясе Казакъстан Республикасында Россия Федерациясе елы кысаларында үтүче Казакъстанда Татарстан Республикасы көннәрендә катнашачак.
Астанада Минтимер Шаймиев Казакъстанның Илбашы Нурсолтан Назарбаев, Премьер-министры Даниал Әхмәтов, Астана башлыгы Умирзак Шукеев белән очрашачак.
Делегация составында - республиканың төрле министрлык һәм идарәчелек җитәкчеләре, «Татнефть», «КамАЗ», «Казан вертолет заводы», «Татэнерго», «Түбән Кама шин» кебек эре предприятие директорлары.

26 октябрьдә Казанда Татарстан Язучылар берлегенең 70 еллыгын билгеләп үттеләр. Шушы уңайдан "Пирамида" мәдәни-күңел ачу үзәгендә зур бәйрәм тантанасы узды. Юбилей Татарстан китап нәшриятының 85 еллыгы белән дә туры килә. Бәйрәмгә бик күп язучылар, мәдәният һәм сәнгать әһелләре, нәшрият җитәкчеләре, шулай ук дәрәҗәле кунаклар җыелды.

14 октябрьдә Татарстан Республикасы Президенты Минтимер Шәймиев Түбән Кама һәм Чаллы шәһәрләренә ике көнлек эш визиты белән сәфәргә чыкты. Көннең беренче яртысында Минтимер Шәймиев "Түбән Кама шина" акционерлык җәмгыяте һәм "Түбән Кама нефтехим" акционерлык җәмгыяте заводларында булды, Түбән Кама шәһәр музеен ачу тантанасында да катнашты.

8 октябрьдә ТР Президенты Минтимер Шәймиев катнашлыгында Казанның "Пирамида" мәдәни-куңел ачу үзәгендә Татарстан авыл хуҗалыгы һәм эшкәртү сәнәгате тармагы хезмәткәрләре бәйрәме уңаеннан тантаналы кабул итү чарасы узды. Әлеге чарада республиканың авыл хуҗалыгы тармагы хезмәт алдынгылары катнашты.