ЯҢАЛЫКЛАР
1
сентябрь, 2008 ел
дүшәмбе
1 сентябрь көнне Татарстан Президенты Минтимер Шәймиев Казанның Яңа Савин районында 177нче мәктәпне ачу тантанасында катнашты.
ТР Президенты “Татарстан Республикасы Президенты Аппаратының структурасы һәм хезмәткәрләренең санына үзгәрешләр кертү турында”гы Указга кул куйды. 2008 елның 29 августында имзаланган әлеге Указ ТР Президенты Аппаратында эшләүчеләрнең санын киметүне күздә тота.
30
август, 2008 ел
шимбә
Бүген, Республика һәм Шәһәр көнен бәйрәм итү тантаналары кысаларында, Г.Камал исемендәге Татар дәүләт академия театры каршындагы мәйданда, халкыбызның сөекле шагыйре Габдулла Тукай исемендәге дәүләт премиясен ияләренә тапшыру булды. Тантанада ТР Президенты Минтимер Шәймиев, ТР Дәүләт Советы Рәисе Фәрит Мөхәммәтшин, ТР Премьер-министры урынбасары - мәдәният министры Зилә Вәлиева катнашты.
Бүген Казанда 1000 еллык мәйданында - төзекләндерелгән скверда Хәйриячегә һәйкәл ачылды. Ул ТР Президенты Минтимер Шәймиев инициативасы белән, аларның гаилә акчасына куелды. Хәйрияче һәйкәле скульптор Асия Миңнуллина җитәкчелегендәге скульпторлар төркеме тарафыннан эшләнгән. Бронзадан коелган һәйкәл игелек кылучы, җиккән атка арба тагып, арбасына балалар утыртып йөрткән бабайны гәүдәләндерә. Хәйрияче образында Татарстан һәм Россиядә данлыклы меценат Әсгать Галимҗан улы Галимҗанов чагылыш тапкан.
Бүген Татарстан халкы Республика көнен бәйрәм итә. Казанда узучы төп бәйрәм чараларыннан берсе - Казанның Киров районындагы Петров Паркында элеккеге "Стрела" стадионы урынында Спорт сарае ачылышы булды. Әлеге тантанада Татарстан Президенты Минтимер Шәймиев, Казан шәһәре мэры Илсур Метшин, Киров районы башлыгы Айрат Нуретдинов, "Ак Барс" хоккей клубы вице-президенты Равил Шәвәлиев һәм башкалар катнашты.
29
август, 2008 ел
җомга
29 августта Татарстан Республикасы Президенты Минтимер Шәймиев Казан Кремлендә, Пекинда узган XXIX Олимпия Уеннарының Россия олимпия җыелма командасы әгъзалары - Татарстан вәкилләре белән очрашты.
27
август, 2008 ел
чәршәмбе
27 августта Татарстан Илбашы Минтимер Шәймиев Алексеевскида бистәнең 300 еллыгы уңаеннан юбилейга багышланган чараларда булды.
26 августта Татарстан Президенты Минтимер Шәймиев ТР Чирмешән муниципаль районында булды. Эшлекле сәфәрдә республика Илбашын ТР Премьер-министры урынбасары - авыл хуҗалыгы һәм азык-төлек министры Марат Әхмәтов, ТР төзелеш, архитектура һәм торак-коммуналь хуҗалык министры Марат Хөснуллин, ТР Президенты каршындагы Дәүләт торак фондының башкаручы директоры Тәлгать Абдуллин, "Татнефть" ААҖ генераль директоры Шәфәгать Тәһаутдинов, Чирмешән муниципаль районы башлыгы Минсәгыйть Шакиров озатып йөрде.
26
август, 2008 ел
сишәмбе
2008 елның 23 августында синхрон йөзү буенча Россия җыелма командасы Пекиндагы 2008 елгы Олимпиадада алтын медальләр яулады. Шул уңайдан Татарстан Республикасы Президенты М.Шәймиев синхрон йөзү буенча Россия җыелма командасына котлау телеграммасы җибәрде, дип хәбәр итә ТР Президенты матбугат хезмәте.
25 август Татарстан Фәннәр академиясе бинасында, Ислам Фәннәр академиясенең "Ислам дөньясының тотрыклы үсеше өчен фән, технологияләр һәм инновацияләр. Сәясәтчеләр һәм галимнәрнең якынаюы" XVI халыкара конференциясенең тантаналы ачылышы узды. Анда катнашучыларга Татарстан Республикасы Президенты Шәймиев мөрәҗәгать итте.
Датасы буенча тикшерү
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз