ЯҢАЛЫКЛАР

Бүген Казан Кремлендә Татарстан Президенты Минтимер Шәймиев Бөтенроссия җиңел атлектика федерациясе Президенты Валентин Балахничевны һәм Россиянең җиңел атлетика буенча җыелма командалары тренеры Валерий Куличенконы кабул итте. Очрашуда шулай ук ТР Премьер-министр урынбасары Зилә Вәлиева, Яшьләр эшләре һәм спорт министры Марат Барыев һәм Казан мэры Камил Исхаков катнашты.

Татарстан Президенты Минтимер Шәймиев җиңел атлетика буенча Россия җыелма командасы әгъзасы Гөлнара Самитовага котлау телеграммасы җибәрде. Исегезгә төшерәбез, 4 июль көнне Грециянең Ираклион шәһәрендә узган “Циклитирия 2004” IAAF “Супер Гран-при” халыкара ярышларында 3000 метрга каршылыклар белән йөгерештә Казанны тәкъдим итүче Гөлнара Самитова дөнья рекорды куйды.

Татарстан Президенты Минтимер Шәймиев җиңел атлетика буенча Россия җыелма командасы әгъзасы Гөлнара Самитовага котлау телеграммасы җибәрде. Исегезгә төшерәбез, 4 июль көнне Грециянең Ираклион шәһәрендә узган "Циклитирия 2004" IAAF "Супер Гран-при" халыкара ярышларында 3000 метрга каршылыклар белән йөгерештә Казанны тәкъдим итүче Гөлнара Самитова дөнья рекорды куйды.
ТР Президенты матбугат үзәге хәбәр иткәнчә, "Югары осталык, җиңүгә бетмәс омтылыш һәм чын көрәшче ихтыяры күрсәтеп, Сез янәдән дөнья спорты югарылыгына ирештегез, дөньяда иң көчле җиңел атлетика спортчыларының берсе булуыгызны расладыгыз. Бүген сез - безнең республика һәм Россия горурлыгы", - диелә, аерым алганда, котлау телеграммасында. Минтимер Шәймиев Гөлнара Самитованың "Бертуган Знаменскийлар Мемориалында" чыгышы әлеге абруйлы ярышларның бизәге булыр дигән өмет белдерде һәм спортчыга ныклы сәламәтлек, бәхет, уңышлар һәм яңа спорт казанышлары теләде.

5 Июль 2004. Татарстан Республикасының Алексеевск районында халык депутатларының чираттан тыш сессиясе узды. Аның эшендә ТР Президенты Минтимер Шәймиев, ТР Президент Аппараты вәкилләре, районның 22 депутаты, ширкәтләр җитәкчеләре катнашты. Сессиядә барлыгы дүрт мәсьәлә каралды. Шуның иң беренчесе Татарстан республикасы Алексеевск районы хакимияте башлыгын сайлау.

5 Июль 2004. Татарстан Республикасы Президенты Минтимер Шәймиев катнашындагы Әлки районында узган республика семинар-киңәшмәсе тәмамланды. Семинар-киңәшмәнең пленар өлешендә төп чыгышны Татарстан Республикасы Премьер-министры урынбасары, ТР авыл хуҗалыгы һәм азык-төлек министры Марат Әхмәтов ясады.

5 Июль 2004. Татарстан Республикасы Президенты Минтимер Шәймиев Әлки районында узучы авыл хуҗалыгы республика семинар-киңәшмәсендә катнашу барышында чуваш халык шагыйре Петр Хузангай туган Иске Сихтермә авылында тукталды.

Бүген Татарстан Республикасы Дәүләт Советының өченче чакырылыш депутатлары дүртенче пленар сессиясе эшен башлады. Сессия эшен Дәүләт Советы рәисе Фәрит Мөхәммәтшин алып барды. Утырышта Татарстан Республикасы Президенты Минтимер Шәймиев та катнашты. Сүз уңаенда, әлеге утырыш көзге чакырылыш алдыннан соңгысы иде, депутатлар хәзер ялга чыга.

Татарстанга эш сәфәрен тәмамлап, Казакъстан Президенты Нурсолтан Назарбаев җитәкчелегендәге вәкиллек 1 июль көнне Башкортстанга килде. Уфа һава аланында хөрмәтле кунакларны президент Мортаза Рәхимов һәм башка югары җитәкчеләр каршы алды. Башкалага килгәч, Мортаза Рәхимов белән Нурсолтан Назарбаев Башкортстан хакимиятләренең Парковый дип аталган резиденциясендә сөйләшүләр үткәрде. Шул ук вакытта Казакъстанның эшлекле даирәләре Башкортстандагы хезмәттәшләре белән очрашып аерым сөйләшүләр алып барды.
Көн дәвамында Нурсолтан Назарбаев һәм аның юлдашлары Уфадагы берничә зур ширкәттә һәм күренекле табиб Эрнст Мулдашев җитәкләгән Бөтенрусия күз микрохирургиясе үзәгендә була. Аннан соң кичен Нурсолтан Назарбаев белән Мортаза Рәхимов журналистлар өчен матбугат очрашуы оештырачак. Казакъстан вәкиллегенең Башкортстанга эш сәфәре җомга көнне дә дәвам итә.

Бүген Казан Кремлендә Татарстан Президенты Минтимер Шәймиев Казакъстан Президенты Нурсолтан Назарбаев белән очрашты.

Бүген Татарстанга килгән Казакъстан Республикасының рәсми делегациясе Горбунов исемендәге Казанның очкычлар җитештерү берләшмәсендә үткәрелгән күргәзмәне карадылар. Ул цехларның берсендә һәм аның алдындагы мәйданчыкта урын алган иде. Биредә "КАМАЗ", "Татнефть", "Татэнерго", "Түбәнкаманефтехим" кебек республиканың җитештерү өлкәсен әйдәп баручы ширкатьләр үз тауарларын, тенологияләрен күрсәттеләр.
Нурсолтан Назарбаев һәм Минтимер Шәймиев күргәзмәне карап чыктылар, аеруча кызыксындырган ширкатьләрнең стендлары янында тукталып, аңлатмаларны тыңладылар.