ЯҢАЛЫКЛАР

4 августта РФ Эчке эшләр министрлыгының Казан юридик институты базасында РФ субъектлары буенча эчке эшләр органнары эксперт-криминалистика бүлекчәләре эксперт-биологларының Бөтенроссия семинары башланды. Семинарның төп темасы - "Кеше ДНКсына экспертиза үткәрү практикасын камилләштерү".

Чаллыда бер тәүлек дәвам итәчәк эстафетага старт бирелде. Шул рәвешле Чаллы шәһәре башта - Россия, аннары дөнья рекорды куярга ниятли. Спорт марафоны Казанда 2013 елда узачак Универсиадага теләктәшлек күрсәтү йөзеннән үткәрелә.

4 августта Оренбургта РФ Премьер-министры Владимир Путин рәислегендә узган киңәшмәдә урып-җыю эшләренең барышы һәм корылыктан зыян күргән авыл хуҗалыгы җитештерүчеләренә ярдәм күрсәтү чаралары хакында фикер алыштылар. Киңәшмәдә Татарстан Президенты Минтимер Шәймиев катнашты

14-16 август көннәрендә Финляндия башкаласы Хельсинки шәһәрендә Халыкара җанлы татар музыкасы фестивале узачак дип көтелә.

Татарстанда III Бөтенроссия мөселман яшьләре фестивале узачак. Фестиваль 10 августта Кол Шәриф мәчетендә ачыла. Бу хакта "Татар-информ" агентлыгына ТР Министрлар Кабинеты каршындагы Дин эшләре идарәсеннән хәбәр иттеләр.

"Татнефть" ААҖ 2009 елның беренче яртыеллыгында 33,986 миллиард сум күләмендә чиста табыш алган. Бу узган елның шул чоры белән чагыштырганда 15 процентка артыграк һәм тулаем узган елгы кадәр диярлек.

Тиздән Казан шәһәре I Бөтенроссия спорт форумын үзендә үткәрәчәк һәм ул илебездә спорт хәрәкәте үсешенә юнәлдерелгән бик зур вакыйга булачак, дип белдерде бүген мэр Илсур Метшин шәһәр хакимиятенең "дүшәмбе киңәшмәсе"ндә.

Татарстан 1 миллион 28 мең 400 тонна ашлык суктырылды. Игеннәр 416,1 мең гектар мәйданда җыеп алынды, бу бөртекле культуралар чәчелгән мәйданнарның 25 проценты дигән сүз. Республикада уртача уңыш гектарыннан 24,7 центнер (узган ел - 34,8 центнер) тәшкил итә. Бу хакта ТР Авыл хуҗалыгы һәм азык-төлек министрлыгыннан хәбәр иттеләр.

3 августта Казан шәһәре җитәкчелегенең аппарат киңәшмәсендә мэр Илсур Метшин шәһәрнең тышкы реклама һәм мәгълүмат идарәсе быел 6 айда, икътисади кризис булуга карамастан, шәһәр бюджетына 85 млн. сум акча кертүен белдереп, Россиянең башка шәһәрләреннән Казанга ял көннәрендә килеп йөрүләрен, хәтта тулы поезд вагоннары, автобуслар белән җыелып килүләрен, аквапарк, зур сәүдә үзәкләре, музыкаль фестивальләр һәм музейларга йөрүләрен исәпкә алып, Казанны республикадан читтәге зур шәһәрләрдә рекламалау кулай булачагы хакында тәкъдим кертте.

3 августта Татарстан Республикасы Президенты Минтимер Шәймиев "Автомобиль юллары һәм Татарстан Республикасы территориясендә юл эшчәнлеге турында"гы Законга кул куйды.