ЯҢАЛЫКЛАР

28 май көнне ТР Дәүләт Советы сессиясендә ТР Президенты Минтимер Шәймиев хакимиятнең барлык тармакларын кризис вакытында халыктан кергән дәгъваларга карата игътибарлы булырга, проблемаларның асылына төшенергә һәм җавап тотарга чакырды.

28 майда ТР Премьер-министры Рөстәм Миңнеханов Горький тимер юлы җитәкчесе Сергей Козырев белән очрашты. Министрлар Кабинетында узган очрашуның төп сәбәбе - ТР Хөкүмәте белән Горький тимер юлы ("Россия тимер юллары" ның филиалы) арасында 2009 елга Хезмәттәшлек килешүен имзалау иде.

Башкортстанда, элекке урам исемнәрен үзгәртеп тә, яңа төзелгән микрорайоннардагы урамнарга да танылган шәхесләрнең исемнәрен бирү дәвам итә.

"Россия тимер юллары" җәмгыяте Татарстанга ике зур бүләк ясады. Республикага пассажирлар өчен ике яңа состав кулланылышка бирелде. Аларның берсе - Казан-Буа юнәлешендә йөриячәк "РА-2"рельслы автобусы. Казан пассажир вагоннары депосы бүген ерак араларга баручы поездлар өчен "премиум" класслы вагоннар белән тулыланды.

9-14 июньдә Казанның Мәрҗани мәчетендә II Бөтенроссия ислам китаплары күргәзмә-ярминкәсе узачак.

28 май көнне Казанда дүртенче чакырылыш ТР Дәүләт Советының өченче утырышы уза. Сессиядә Татарстан Республикасы Президенты Минтимер Шәймиев катнаша.

Агымдагы елның 1 гыйнварында "Ак Барс" банкының шәхси капиталы 28,489 млн. сум тәшкил иткән. Узган елда 248 млн. сумга кимегән. Бүген Казанда Роберт Мусин рәислегендә "Ак Барс" банкы акционерларының еллык җыелышы узды. Нәтиҗә ясау җыелышында ТР Премьер-министры Рөстәм Миңнеханов, ТР Милли банк рәисе Евгений Богачев һ.б. катнашты.

27 май көнне Казан Кремлендә Татарстан Президенты Минтимер Шәймиев рәислегендә, Татарстан Республикасында наркоманиягә каршы комиссиянең чираттагы утырышы узды.

28 майда Казанда дүртенче чакырылыш ТР Дәүләт Советының өченче утырышы уза. Сессия көн тәртибенә 50 мәсьәлә чыгарыла. Аларның 21е - Татарстан законнары проектлары; шулай ук ТР Прокуроры протестлары, ТР Дәүләт Советы закон инициативалары һәм мөрәҗәгате, федераль закон проектлары һәм РФ субъектлары дәүләт хакимияте закон чыгару органнарының закон инициативалары бар.

Татарстанның 2009 ел бюджетына кертелгән үзгәрешләрне парламент комитетларында карау дәвам итә. Бүген ТР Дәүләт Советының Мәдәният, фән, мәгариф һәм милли мәсьәләләр комитетында; Икътисад, инвестицияләр һәм эшмәкәрлек һәм Бюджет, салымнар һәм финанслар комитетларының уртак утырышында; Экология, табигатьтән файдалану һәм аграр мәсьәләләр буенча комитетта агымдагы елның яңартылган бюджет проекты белән танышачаклар.