ЯҢАЛЫКЛАР

16 октябрьдә кичен Казанда "Пирамида" комплексында әхлакый кыйммәтләрне саклауга юнәлтелгән IV "Алтын мөнбәр" Казан халыкара мөселман киносы фестивале ачылды.

16 октябрьдә Татарстан Республикасы Эчке эшләр министрлыгында, РФ субъектлары эчке эшләр министрлыклары, идарәләренең штаб бүлекчәләре башлыкларының, идарә эшчәнлеген камилләштерү проблемалары буенча бөтенроссия семинар-киңәшмәсе узды.

13 октябрьдә Казан Кремлендә ТР Президенты Минтимер Шәймиев Федераль космос агентлыгы җитәкчесе Анатолий Перминов белән очрашты.

13 октябрь көнне ТР Президенты Минтимер Шәймиев "Татарстан Республикасында хокук бозуларны кисәтү турында" һәм Әлмәт муниципаль районының Яңа Никольский һәм Урсала авыл җирлекләрен үзгәртеп кору һәм "Әлмәт муниципаль районы" муниципаль берәмлеге һәм аның составындагы муниципаль берәмлекләрнең статусын һәм территорияләренең чикләрен билгеләү турында"гы Татарстан Республикасы законына үзгәрешләр кертү хакында"гы ТР законнарын имзалады.

11 октябрьдә Казан Ратушасында 2013 елда Казанда XXVII Җәйге Универсиаданы әзерләү һәм үткәрүгә хокук биргән контракт имзаланды. Россия, Татарстан һәм Казан өчен мөһим булган әлеге контрактка FISU президенты Джордж Киллиан, FISU генераль секретаре Эрик Сайтронд, РФ Хөкүмәте Рәисенең беренче урынбасары И.Шувалов, Россия студент спорты берлеге президенты Олег Матыцин, ТР Премьер-министры Рөстәм Миңнеханов һәм Казан шәһәре мэры Илсур Метшин кул куйды һәм быел шул мәсьәләгә нисбәтле 1 июньдә имзаланган килешү үзенең көчен югалтты.

11 октябрьдә РФ Хөкүмәтенең беренче вице-премьеры Игорь Шувалов Казанның спорт объектлары белән танышты. Бу сәфәрдә Шуваловны һәм икътисади үсеш министры Эльвира Нәбиуллинаны Татарстан Президенты Минтимер Шәймиев, ТР Премьер-министры Рөстәм Миңнеханов, Казан мэры Илсур Метшин озатып йөрде.