ЯҢАЛЫКЛАР

4 июль көнне Татарстан Президенты Минтимер Шәймиев катнашында Апас районы аграр хуҗалыклары базасында республика семинар-киңәшмәсе үтә. Биредә республиканың төрле министрлык һәм ведомство җитәкчеләре, җир эше белән бйле барлык белгечләр республикада өстенлекле аграр проектны гамәлгә ашыруның барышы һәм 2007 ел иген уңышын җыеп алу мәсьәләләре буенча фикер алышалар.

2 июль көнне Казан Крмелендә Татарстан Президенты Минтимер Шәймиев Россиядә Канаданың Гадәттән тыш һәм Тулы вәкаләтле Илчесе Ральф Джеймс Лисишин белән очрашты. Дәрәҗәле кунак һәм аның тормыш иптәшен каршылап, Илбашы Канада дәүләте тарафына җылы сүзләрен җиткерде. Беренчедән, ул, әлеге чит илнең авыл хуҗалыгы ягыннан алга киткәнен ассызыклап, элегрәк күп кенә культураларның Татарстанга нәкъ менә Канададан кертелүен телгә алды.

29 июнь көнне Татарстан Президенты Минтимер Шәймиев Ростов-на-Дону шәһәрендә Россия дәүләте башлыгы Владимир Путин рәислегендә үтә торган РФ Дәүләт советы утырышында катнашты. РФ Президенты карары нигезендә, Дәүләт Советы утырышы "РФдә хокук бозуларны кисәтү һәм иҗтимагый куркынычсызлыкны тәэмин итү дәүләт системаларын гамәлгә ашыру буенча беренче чираттагы чараларга" багышланган иде.

23 июнь көнне Казанда татар милләтенең күркәм бәйрәме - Сабан туе гөрләп узды. Көндез халык шәһәрнең җиде районында оештырылган мәйданнарда ял итсә, кичен сәгать алтыда Халыкара ат-спорт комплексына җыелды. Биредә Сабан туе бәйрәменә багышланган ат ярышлары узды. Ипподромда чабышларны Татарстан Республикасы Президенты Минтимер Шәймиев, Казан мэры Илсур Метшин, Бөтендөнья мирасы шәһәрләре оешмасының IX Конгрессында катнашкан күпсанлы чит ил кунаклары да карарга килде.

22 июньдә Татарстан Республикасы Президенты Минтимер Шәймиев Казан Кремлендә Әфганстан Ислам Республикасының Россия Федерациясендәге Гадәттән тыш һәм Тулы вәкаләтле Илчесе Залмай Азиз белән очрашты.

20 июнь көнне "Пирамида" күңел ачу үзәгендә "Динамо-Таттрансгаз" ир-атлар волейбол командасын, Россия чемпионатында җиңү яулавы уңаеннан, бүләкләү тантанасы узды. Бәйрәм тантанасында Татарстан Президенты Минтимер Шәймиев тә катнашты.

19 июнь көнне Татарстан Республикасы Президенты Минтимер Шәймиев, Бөтендөнья мирасы шәһәрләре оешмасының IX Конгрессы ачылышы кысаларында, Казанның "Корстон" кунакханә-сәүдә-күңел ачу комплексында Ислам тарихы, сәнгате һәм мәдәнияте фәнни-тикшеренү үзәге (ИРСИКА) генераль директоры Халит Эрен белән очрашты.

19 июньдә Татарстан Президенты Минтимер Шәймиев Казанның "Корстон" кунакханә-сәүдә-күңел ачу комплексында Массакүләм коммуникацияләр, элемтә һәм мәдәни мирасны саклап калу өлкәсендә күзәтчелек буенча федераль хезмәт җитәкчесе Борис Боярсков белән очрашты. Мәгълүм булганча, Борис Боярсков бүгенге көндә Казанда - VI Бөтенроссия тарихи һәм мәдәни һәйкәлләрне саклау органнары съездында катнашу максаты белән.

19 июньдә Татарстан Республикасы Президенты Минтимер Шәймиев Казанның "Корстон" кунакхканә-сәүдә-күңел ачу комплексында Бөтендөнья мирасы шәһәрләре оешмасының (БМШО) IX Бөтендөнья Конгрессының тантаналы ачылышында катнашты.