ЯҢАЛЫКЛАР

22 март көнне Мәскәүдә Татарстан Президенты Минтимер Шәймиев РФ Хөкүмәте рәисенең беренче урынбасары Сергей Иванов, РФ Президенты Администрациясе җитәкчесе Сергей Собянин, федератив мөнәсәбәтләр һәм җирле үзидарә буенча ведомствоара группа җитәкчесе, милли проектларны булдыру буенча РФ Президенты булышчысы Игорь Шувалов белән очрашты.

26 – 28 март көннәрендә Россиягә официаль визит белән Кытай Халык Республикасы җитәкчесе Ху Цзиньтао килә. Иң элек ул РФ Президенты Владимир Путин белән “Россиядә Кытай елы”н һәм Кытай милли күргәзмәсен тантаналы рәвештә ачып җибәрәчәк дип көтелә. Владимир Путин белән тыгыз аралашудан башка, визит кысаларында Ху Цзиньтао РФ Дәүләт Думасы рәисе Борис Грызлов, РФ Хөкүмәт башлыгы Михаил Фрадков һәм, Казанга килеп, Татарстан Президенты Минтимер Шәймиев белән сөйләшергә нияте бар.

21 март көнне иртән Казанга Россия Федераль миграция хезмәте директоры милиция генерал-полковнигы Константин Ромодановский килде.

21 март көнне Казан Кремлендә Татарстан Президенты Минтимер Шәймиев Гагаузия башлыгы (Башканы) Михаил Формузал белән очрашты. Очрашу барышында Татарстан Республикасы белән Гагаузия Автоном-Территориаль берәмлеге (Гагауз Ери) арасында хезмәттәшлекне үстерү мәсьәләләре каралды.

19 март көнне Татарстан Президенты Минтимер Шәймиев республиканың Теләче муниципаль районына эшлекле сәфәр кыла. Төп максаты – “2006 елда агросәнәгать комплексы эшчәнлеге нәтиҗәләре һәм агросәнәгать комплексы үсеше” өстенлекле илкүләм проектын алга таба гамәлгә ашыру буенча зур эшләр” исемле республика семинар-киңәшмәсен уздыру.

16 март көнне Казан Кремлендә Татарстан Президенты Минтимер Шәймиев танылган сәясәт эшлеклесе, элеккеге ТАССР Министрлар Советы рәисе, КПСС татар обкомының беренче сәркатибе Гомәр Усмановка Татарстанның югары дәүләт бүләген - "Татарстан Республикасы алдындагы казанышлары өчен" орденын тапшырды.

15 мартта Дрезденда Татарстан Президенты Минтимер Шәймиев һәм Саксония Премьер-министры Георг Мильбрадт ике яклы очрашу нәтиҗәләре буенча Коммюникега кул куйды.

14 март көнне Татарстан Президенты Минтимер Шәймиев “Сәүдә һәм инвестицияләр өлкәсендә Татарстан Республикасы стратегиясе. Бу процесста Саксониянең роле” исемле инвестиция форумын ачканнан соң Саксониянең Премьер-министры Георг Мильбрадт белән Лейпциг унивеситетына юл тотты. Биредә Казан дәүләт университеты белән ниятләр турында белдерү төзелде.

14 март көнне Татарстан Президенты Минтимер Шәймиев Лейпциг ярминкәсе берләштергән өч махсус күргәзмәне рәсми ачу тантанасында катнашты. Быел Лейпцигта автокомпонентлар җитештерүчеләрнең “Z-2007” традицион күргәзмә-ярминкәсеннән тыш, “Intec” машина төзелеше күргәзмәсе һәм “Rohima” пластик индустриясе күргәзмәсе уздырыла.

13 мартта Татарстан Республикасы Президенты Минтимер Шәймиев җитәкчелегендәге Татарстан официаль делегациясенең Саксония дәүләтенә эшлекле визиты башланды.