ЯҢАЛЫКЛАР

Казанда Балаларны яклау көненә багышланган һәм Россия ДАИнә 70 ел тулу уңаеннан “Куркынычсыз тәгәрмәч” Бөтенроссия финал конкурсы ачылды. Конкурсны ачу тантанасында ТР Президенты Минтимер Шәймиев катнашты.

29 май көнне Татарстан Республикасы Президенты Минтимер Шәймиев Саба муниципаль районына эшлекле сәяхәт кыла. Республика җитәкчесенең төп максаты – Байлар Сабасы шәһәр тибындагы бистәдә үзәк район хастаханәсенең яңа стационар корпусының 80 койкасын, бала тудыру бүлегенең 20 койкасын ачуда катнашу.

Татарстан Президенты Минтимер Шәймиев исеменә Бөтенроссия самбо федерациясе президенты Сергей Елисеевтан хат килде. Хатта ул республика башлыгына ТРда спорт үсешенә булышлыгы өчен рәхмәт белдергән һәм самбо буенча Ауропа беренчелегендә Татарстан Самбо федерациясе тәрбияләнүчесе Анастасия Ковязинаның җиңүе белән котлаган. Бу хакта ТР Президенты матбугат хезмәте хәбәр итә.

Кичә Казан үзәге "Ак барс" хоккей командасы хөрмәтенә бәйрәм рухына күмелгән иде. Ә төп вакыйгалар "Татнефть-Арена" спорт үзәгендә башланды. Трибуналарны шыплап тутырган халык каршысына -хоккейчылар һәм тренерлар сәхнәгә урнаштырылган барс сыны эченнән чыктылар. Сезон буе яраткан командасына терәк булган тамашачы каһарман уенчыларны аягүрә басып каршы алды. "Команданың быелгы җиңүендә җанатарларның өлеше бик зур. Сездән башка чемпионлык яуланмас иде. Чемпионатта иң көчле булып танылу бик авыр. Ә чемпион исемен киләсе елда да саклап калу тагын да катлаулырак", - дип белдерде РФ Дәүләт Думасының комитет рәисе, Россия Хоккей федерациясе җитәкчесе, танылган уенчы Владислав Третьяк. Ул ТР Президенты Минтимер Шәймиевкә кайчандыр җиңелмәс булган һәм үзе чыгыш ясаган ЦСКА командасының формасын тапшырды. Сез менә шул вакыттагы ЦСКАга охшагыз, янәсе. "Без исә киләчәктә башка командаларга һәрвакыт "Ак барс" формасын тапшырырлык итеп уйнарга тиешбез", - диде М.Шәймиев, бүләкне алганда.

26 май көнне Казан Кремлендә Татарстан Республикасы Президенты Минтимер Шәймиевнең һәм “Россия тимер юллары” ААҖ президенты Владимир Якунин белән очрашуы үтте. Очрашуда “Россия тимер юллары” ААҖ ягыннан акционерлык җәмгыятенең вице-президентлары, Горький тимер юлы башлыгы Виктор Сехин һ.б., Татарстан ягыннан - ТР Премьер-министры Рөстәм Миңнеханов, республика министрлыклары һәм ведомство җитәкчеләре катнашты.

ТР Дәүләт Советының бүгенге сессиясендә депутатлар өченче укылышта муниципаль хезмәткәрләргә кагылышлы муниципаль вазифаларның реестры турындагы; муниципаль хезмәтләрнең муниципаль вазифалары һәм дәүләт гражданлык хезмәтенең дәүләт вазифалары бәйләнеше турындагы ике закон проектын кабул итте.

Татарстан Президенты адресына Әстерхан мэры урынбасары, “Дуслык” татар җәмгыяте рәисе Әнвәр Алмаевтан хат килде, дип хәбәр итә ТР Президенты матбугат хезмәте. Хатта аерым алганда, “Татарстан Республика ярдәме белән Әстерхан өлкәсендә тугызынчы ел рәттән татар бәйрәме “Сабантуй” уздырыла. Ел саен бәйрәм зуррак күләм ала һәм тамашалырак була бар.

22 май көнне Татарстан Республикасы Президенты Минтимер Шәймиев, Казан Кремлендә Саксония Ирекле Дәүләт Премьер-министры Георг Мильбрадтны кабул итте. Ул тарихи немец җиреннән килгән кунакларны сәламләп, Татарстан белән бу илнең тарихы арасында ниндидер уртаклык барлыгына да басым ясады.

22 май көнне Казан Кремлендә ТР Президенты Минтимер Шәймиев штаб башлыгы – Идел буе-Урал хәрби округы гаскәрләре җитәкчесенең беренче урынбасары Сергей Макаров белән очрашты. Алар иртәгә Татарстанда башлана торган төбәк команда-штабның мобилизацияләнгән өйрәнүләре барышына әзерләнү һәм аны контрольдә тоту буенча фикер алыштылар.

Сезне чын күңелдән ямьле рус фольклор бәйрәме «Каравон» белән тәбрик итәм!
Аны бездә, Сабантуй белән беррәттән, республика күләмендәге олы вакыйга буларак билгеләп үтү күркәм гадәткә әверелде.