ЯҢАЛЫКЛАР

Бу минутларда ТР Президенты Минтимер Шәймиев җитәкчелегендәге Татарстан делегациясе Сирия башкаласыннан Согуд Гарәбстаны Корольлегенең Җиддә шәһәренә очты. Дамаск аэропортында Татарстан башлыгын Сирия Гарәп Республикасының дәүләт министры Бәшәр Шаар, Сирия икътисад һәм тышкы сәүдә министры Әмир Хөсни Лотфи, Россиянең Сириядәге Гадәттән тыш һәм Тулы вәкаләтле Илчесе Роберт Маркарян озатты. Аэропорт бинасы каршында Сирия, Россия һәм Татарстанның дәүләт байраклары эленгән иде.
Согуд Гарәбстанына визит барышында ТР Президентының Ислам Конференциясе Оешмасы Генераль сәркатибе Әкмәледдин Ихсаноглы белән очрашуы планлаштырыла, шулай ук Татарстан Республикасын тәкъдир итү булачак.

1 апрельдә Татарстан Президенты Минтимер Шәймиев Якын Көнчыгыш илләренә рәсми визит кысаларында Согуд Гарәбстаны Корольлегенең Җиддә шәһәрендә Ислам Конференциясе Оешмасының штаб-фатирында ИКОның Генераль сәркатибе Әкмәледдин Ихсаноглы белән очрашты.

31 мартта Татарстан Президенты Сирия Гарәп Республикасына визиты кысаларында Дамасктан 20 километр ераклыкта урнашкан “КАМАЗ” сервис үзәгендә булды. Республика башлыгын Сирия Гарәп Республикасының дәүләт министры Бәшәр Шаар, ТР Президенты каршындагы халыкара мәсьәләләр буенча дәүләт киңәшчесе Тимур Акулов, ТР сәүдә һәм тышкы икътисади хезмәттәшлек министры Хафиз Салихов озатып йөрде.

ТР Президенты Минтимер Шәймиев җитәкчелегендәге Татарстан рәсми делегациясенең Сириягә визиты дәвам итә. Бүген Сирия Гарәп Республикасы Президенты Бәшәр Асад үз резиденциясендә ТР Президентын кабул итәчәк.

Цивилизацияле үсеш шартларында һәрбер милләт үзенә хөрмәт таләп итә, дип белдерде Татарстан Президенты Минтимер Шәймиев Мәскәүдә уза торган “Россия – ислам дөньясы” стратегик күзаллау төркеме утырышында журналистларга. Минтимер Шәймиев фикеренчә, конференциядә катнаша торган дәүләт һәм җәмәгать эшлеклеләрен бүген цивилизацияләр диалогы торышы буенча борчылу берләштерә.

22 мартта Казанның “Пирамида” мәдәни-күңел ачу комплексында Татарстан Республикасы Президенты Минтимер Шәймиев катнашында ТР муниципаль берәмлекләренең беренче корылтае узды. Минтимер Шәймиев корылтайны тарихи вакыйга буларак бәяләде һәм муниципаль берәмлекләр башлыкларына мөрәҗәгать итеп: “Халкыбыз үз язмышын сезнең кулларга ышанып тапшырды, аның көнкүреш тормышы яхшыруы да сезнең эшчәнлек белән бәйле. Халыкның Сезгә карата булган тирән ышанычы белән чын күңелдән котлыйм.

15 мартта Каннада Татарстан Президенты Минтимер Шәймиев һәм Казан муниципаль берәмлеге башкарма комитеты җитәкчесе Илсур Метшин “Россиядә күчемсез милеккә инвестицияләр: төбәкләр күтәрелеше” конференциясендә катнашты.

15 март Татарстан Президенты Минтимер Шәймиев “София-Антиполис” фәнни-технологик паркында булачак. 4800 гектар мәйданлы технопарк Ницца белән Канна арасындагы Вальбон районы яссы таулыгында урнашкан. Технопаркның эшче мәйданы – 2300 гектар. Аның территориясендә беренче француз предприятиесе 1974 елда теркәлгән. Хәзерге вакытта “София-Антиполис” фәнни-технологик паркында 1280нән артык предприятие теркәлгән, аларда 60тан артык милләттәге 26,6 меңнән артык кеше хезмәт куя.

14 мартта ТР Президенты Минтимер Шәймиев җитәкчелегендәге Татарстан делегациясенең Каннага рәсми визитының икенче көне башланды. ТР Президенты Канна шәһәрендәге (Франция) Фестивальләр һәм конгресслар сараенда ачылачак "MIPIM-2006" XVII Халыкара коммерцияле күчемсез милек күргәзмә-ярминкәсе эшендә катнаша. Татарстан делегациясе иртән Россия делегациясе эшенә кушылыр дип планлаштырыла.

13 мартта Татарстан Президенты Минтимер Шәймиев Казан Кремлендә Милли телерадиотапшырулар ассоциациясе президенты, Россия Иҗтимагый палатасы әгъзасы Эдуард Сагалаевны кабул итте.