ЯҢАЛЫКЛАР

26 апрель көнне Татарстан Республикасы Президенты Минтимер Шәймиев, татар халкының бөек шагыйре Габдулла Тукайның тууына 120 ел тулу уңаеннан, аның һәйкәленә чәчәкләр салды. ТР Президенты Минтимер Шәймиев, массакүләм мәгълүмат чаралары вәкилләренә, татар мәдәниятен Тукай шигырьләреннән башка күз алдына да китереп булмый, дигән фикере җиткерде. “Мин татар телен белмәгән ватандашларны кызганам”, - дип белдерде ул.

7 апрельдә Татарстан Президенты Минтимер Шәймиев тормыш иптәше белән Чехия Республикасына чираттагы ялга китте, дип хәбәр итә ТР Президентының матбугат хезмәте.

6 апрель көнне Татарстан Президенты Минтимер Шәймиев Россия буенча Бөтендөнья Банкы Директоры – Бөтендөнья Банкының Мәскәүдәге Даими Вәкиле Кристалина Георгиеваны кабул итте. Очрашуда ТР Премьер-министры Рөстәм Миңнеханов, ТР Президентының Дәүләт-хокук идарәсе башлыгы Рәйсә Сәхиева, ТР Финанслар министры Радик Гайзатуллин, ТР Сәүдә һәм тышкы икътисади хезмәттәшлек министры Хафиз Салихов һәм Казан шәһәре муниципаль берәмлеге башлыгы вазыйфаларын башкаручы Иршат Минкин катнашты.

6 апрель көнне Татарстан Президенты Минтимер Шәймиев “Транспорт салымы турында”гы Татарстан Республикасы Законына үзгәрешләр кертү турында”гы, “Оешма милкенә салым турында”гы Татарстан Республикасының 3 Законы 1 маддәсендәге 1 пунктының ярдәмче пунктына үзгәрешләр кертү турында”гы һәм “Татарстан Республикасы территориясендә уен биналары урнаштыру турында”гы Татарстан Республикасы законнарына кул куйды, дип хәбәр итә ТР Президентының матбугат хезмәте.

5 апрель көнне Татарстан Республикасы Президенты Минтимер Шәймиев Казан Кремлендә, Пакистан Ислам Республикасының РФ дә Гадәттән тыш һәм Тулы вәкаләтле илчесе Мостафа Камал Казыйны үзендә кабул итте.

5 апрель көнне Казан Кремлендә Татарстан Республикасы Президенты Минтимер Шәймиев Актаныш районының беренче санлы мактаулы гражданины Баязит Мөхәммәтовка “Татарстан Республикасы алдындагы казанышлары өчен” орденын тапшырды.

ТР Президенты җитәкчелегендәге Татарстан делегациясенең Якын Көнчыгыш илләренә визиты кичә Минтимер Шәймиев һәм Кувейт дәүләте Премьер-министры Нәсер әл-Мөхәммәд әл Әхмәд әл-Җәбер әс-Сабахның очрашуы белән тәмамланды.

Бүген Кувейт Дәүләте Әмире шәех Сабах әл-Әхмәд әл-Җәбер ас-Сабах үзенең рәсми резиденциясе – “Әс-Сәйф” сараенда Татарстан Президенты Минтимер Шәймиевне кабул итте.

2 апрельдә кич белән Кувейтта "Сальва Сабах Әл-Әхмәд" үзәге бинасында Татарстанның икътисади потенциалын тәкъдир итү булды, биредә ТР Президенты Минтимер Шәймиев һәм вакыфлар һәм ислам эшләре министры, Кувейт Дәүләтенең юстиция министры Габдулла Маатук Әль-Маатук катнашты.