ЯҢАЛЫКЛАР

7 декабрьдә Татарстан Президенты Татарстан Республикасының ике законына кул куйды. “Татарстан Республикасының административ территориаль төзелеше турында”гы Закон республиканың территориаль төзелеше мәсьәләсен җайга сала, республика составына керүче административ-территориаль берәмлекләрнең (район, шәһәр, бистә һәм башка торак пунктлар) оешу, үзгәреп корылу һәм ябылу тәртибен билгели.

7 декабрьдә ТР Президенты Минтимер Шәймиев республиканың Чирмешән районына эшлекле сәфәр кыла. Президент һәм аны озата йөрүче затлар райондагы әйләнеч юл участогын ачуда катнашачак, Зур Чирмешән елгасы үзәнен чистарту буенча эшләр барышы белән танышачак дип планлаштырыла.

Татарстан Президенты Минтимер Шәймиев Милли проектларны чынга ашыру кысаларында эре медицина мәктәпләре булган шәһәрләрдә Россиянең 15-16 югары технологияле дәвалау үзәкләре булдырырга тәкъдим итә. РФнең беренче вице-премьеры Дмитрий Медведевка тиешле хат җибәреләчәк, ул милли проектларны чынга ашыру мәсьәләсе белән шөгыльләнә, дип хәбәр итте бүген республика башлыгы журналистлар белән очрашуда.

2 декабрьдә Татарстан Президенты Минтимер Шәймиев «Татарстан» журналы коллективы белән очрашты, быел басмага - 85 ел. Минтимер Шәймиев “Татарстан” журналының коллективын һәм даими авторларны котлап, совет чорында ук басманың популяр булуын, безнең республикада гына түгел, ә бөтенсоюз дәрәҗәсендә танылганлыгын билгеләп үтте.

1 декабрьдә Татарстан Президенты Минтимер Шәймиев Казанда МЕГА сәүдә үзәген ачуда катнашты. Тантаналы ачу алдыннан Минтимер Шәймиев ИКЕАга нигез салучы Ингвар Кампрад, республиканың дәүләт хакимияте органнары җитәкчеләре һәм Швеция компаниясе вәкилләре белән “МЕГА-Казан”ның сәүдә мәйданнарын карады.

30 ноябрьдә Казан Кремлендә Татарстан Президенты Минтимер шәймиев “Рубин” футбол клубы җитәкчелеге белән очрашты. Очрашуда Казан хакимияте башлыгы Илсур Метшин, ТР яшьләр эшләре, спорт һәм туризм министрының беренче урынбасары Йосыф Якубов, “Рубин” футбол клубы” муниципаль учреждениесенең баш тренеры Корбан Бердыев, “Рубин” футбол клубы” муниципаль учреждениесенең генераль директоры Евгений Голов катнашты.

“Уңышка юлны гомер озынлыгы кадәр итмәскә кирәк, бүген күзәтелгән вакыйгаларның иге-чиге юк, ә сез алардан алдарак булырга тиеш”, - дип теләде бүген Татарстан Президенты Минтимер Шәймиев ТИСБИ Идарә академиясе студентларына уку йортының яңа уку корпусын ачу тантанасында.

29 ноябрьдә «Казан ярминкәсе» ААҖендә VII халыкара «Энергетика. Ресурсларны саклау-2005» халыкара махсуслаштырылган күргәзмә ачылды. Ачылу тантанасында Татарстан Президенты Минтимер Шәймиев катнашты.

Татарстан Республикасында сәнәгать производствосы күләме 2005 ел нәтиҗәләре буенча 480 миллиард сумнан артып китәчәк. Бу мәгълүматларны ТР Президенты Минтимер Шәймиев кичә “Казан моторлар төзү җитештерү берләшмәсе” ААҖндә машина төзелеше предприятиеләре җитәкчеләре белән үткән киңәшмәдә хәбәр итте.

РФ Дәүләт Думасына тапшырылучы, шул исәптән Хөкүмәт линиясе буенча закон проектларына мөнәсәбәт таләпчәнрәк булырга тиеш. Бу хакта Краноярскида "Бердәм Россия" Бөтенроссия сәяси партиясенең VI съезды беткәч, Татарстан Президенты, партиянең Югары советы рәисе урынбасары Минтимер Шәймиев журналистларга биргән интервьюсында хәбәр итте.