ЯҢАЛЫКЛАР

20 июньдә губернаторы Эдуард Россель җитәкчелегендә Свердловск өлкәсе делегациясе рәсми визит белән Казанга килде. Кунакларны "Казан" халыкара аэропортында Татарстан Президенты Минтимер Шәймиев, ТР Премьер-министры урынбасары - икътисад һәм сәнәгать министры Алексей Пахомов, ТР Дәүләт Советы Рәисе урынбасары Роберт Миңнуллин, ТР Президентының Тышкы элемтәләр департаменты директоры Тимур Акулов, Казан хакимияте башлыгы Камил Исхаков, республиканың министрлыклары һәм ведомстволары җитәкчеләре каршы алды.

19 июньдә Казанга "Газпром" ААҖ идарәсе рәисе урынбасары Александр Ананенков җитәкчелегендә делегация килде. Делегацияне "Казан" халыкара аэропортында ТР Премьер-министры Рөстәм Миңнеханов каршы алды. Делегация әгъзалары шул ук көнне "Казанькомпрессормаш" ААҖдә һәм "НИИ-Турбокомпрессор" ЯАҖдә булып, биредә җитештерелә торган продукция белән таныштылар.
Кичен "Газпром" ААҖ идарәсе рәисе урынбасары Александр Ананенковны Татарстан Президенты Минтимер Шәймиев кабул итте.

15 июньдә Санкт-Петербург бөтен Россиядән кунаклар кабул итте. Шәһәргә "Россия мәдәниятен үстерүдә өстенлекле юнәлешләр" мәсьәләсе буенча РФ Дәүләт Советының күчмә киңәшмәсендә катнашу өчен Россия Федерациясенең субъектлары җитәкчеләре җыелды. 15 июньдә төньяк башкалага Татарстан Президенты Минтимер Шәймиев тә килде. "Пулково" аэропортында аны Санкт-Петербург губернаторы Владимир Яковлев, ТРның Санкт-Петербургтагы һәм Ленинград өлкәсендәге даими вәкиле Шамил Әхмәтшин һәм башкалар каршы алды.

Татарстан Республикасы Дәүләт Советы һәм Хөкүмәте исеменнән сезне республика халкының яраткан милли бәйрәме — Сабан туе белән чын күңелдән тәбрик итәм!
Халкыбызның ерак гасырлардан безнең көннәргә кадәр килеп җиткән әлеге затлы милли бәйрәме, заманнар ничек кенә үзгәрсә дә, һәрвакыт сагынып көтеп алына торган олы вакыйга булып кала бирә.

7 июньдә Арчада үткән Сабантуй бәйрәме меңнәрчә җирле халыкны һәм кунакларны җыйды. Арчалыларны бәйрәм белән котларга Татарстан Президенты Минтимер Шәймиев килде.

Кичә Казан дәүләт университетының актлар залында Бөтенроссия студентларының Казан шәһәренең 1000 еллыгына багышланган "Яшьләр һәм Бөтендөнья мирасы" дигән форумы үзенең эшен башлап җибәрде. Студентлар форумы эшендә Татарстан Президенты Минтимер Шәймиев, ЮНЕСКОның Генераль директоры Коитиро Мацуура, Россия Федерациясе тышкы эшләр министрының беренче урынбасары Элеонора Митрофанова, Өлкәннәргә белем бирү ассоциациясе президенты Николай Канаев, Татарстан Премьер-министры урынбасары Зилә Вәлиева, Казан шәһәре хакимияте башлыгы Камил Исхаков, ТР мәдәният министры Илдус Тарханов һәм башка рәсми кешеләр катнашты.

2 июньдә "Таттелеком" УЭСның Н.Ершов урамындагы бинасында Татарстанның барлык җитәкчелеге җыелды. Монда киң колачлы вакыйга - республиканың барлык шәһәр һәм район үзәкләрен үз эченә алган мәгълүматларны тапшыру республика мультимедия челтәрен тәкъдирләү булды.

2 июньдә Татарстанга ЮНЕСКО Генераль директоры Коитиро Мацуура килде. Татарстан Президенты Минтимер Шәймиев бу визитны тарихи вакыйга дип атады.

Кичә Кремльдә Татарстан Республикасы Президенты Минтимер Шәймиев күренекле сәнгать эшлеклесе Татарстан Республикасының һәм Россия Федерациясенең халык артисты Илһам Шакиров белән очрашты. Очрашуда сүз татар җыр сәнгате үсешенең актуаль проблемалары турында барды.

20 майда “Пирамида" мәдәни-тамаша комплесында “2002 ел җитәкчесе” республика иҗтимагый конкурсыңда җиңүчеләрне һәм лауреатларны бүләкләү тантанасы булды. Конкурс комиссиясе рәисе, ТР Премьер-министры Рөстәм Миңнеханов икьтисадның төрле тармакларында эшләүче, үз эшендә югары нәтиҗәләргә ирешкән, үзләре җитәкчелегендәге коллективлар белән бергә республиканы социаль-икътисадый үстерү бурычларын хәл итүгә саллы өлеш керткән предприятие һәм оешмаларның иң яхшы җитәкчеләренә дипломнар тапшырды. Буләкләу тантанасында Татарстан Президенты Минтимер Шәймиев катнашты.