ЯҢАЛЫКЛАР

24 июньдә Бөгелмәдә Татарстан Республикасы Дәүләт Советының "Россия гражданнарына - һәркем алырлык һәм уңайлы торак" өстенлекле илкүләм проектын гамәлгә ашыруны контрольдә тоту комиссиясенең күчмә утырышы узды. Утырышта 2009 елда күпфатирлы йортларны ремонтлау программасы хакында фикер алышынды.

24 июньдә Татарстан Халыклары йортында ТР Дәүләт Советы рәисе Фәрит Мөхәммәтшин ватандашларыбызга Россия Федерациясе гражданины паспортларын тапшырды. Әлеге чарада шулай ук милли-мәдәни берләшмәләр җитәкчеләре, Татарстан Халыклары ассамблеясе советы башкарма комитеты җитәкчесе Николай Владимиров, Федераль миграция хезмәтенең Татарстан Республикасы буенча идарәсе башлыгы урынбасары Валентина Пахомова катнашты.

"Метроэлектротранс" муниципаль унитар предприятиесе каршында эшләүче кадрлар әзерләү лицее 44 миллион сум күләмендәге грантка лаек булды. Бу хакта "Татар-информ" агентлыгына предприятиедән хәбәр иттеләр.

24 июньдә Татарстан Республикасы Президенты Минтимер Шәймиев "2009 елга һәм 2010-2011 елларның план чорына Татарстан Республикасы бюджеты хакында"гы ТР Законына үзгәрешләр кертү турында" һәм "2009 елга һәм 2010-2011 елларның план чорына Татарстан Республикасы бюджеты хакында"гы ТР Законына үзгәрешләр кертү турында"гы ТР Законының аерым нигезләмәләренең үз көчен югалтуын тану турында"гы ТР Законына кул куйды.

24 июньдә ТР парламентында оешкан "Россия гражданнарына үтемле һәм уңайлы торак" илкүләм өстенлекле проектын тормышка ашыруга күзәтчелек итүче комиссия республиканың Бөгелмә шәһәрендә күчмә утырышын уздыра.

24 июньдә Татарстан Халыклары йортында ТР Дәүләт Советы рәисе Фәрит Мөхәммәтшин Россия Федерациясе гражданины паспортларын тапшыру тантанасында катнаша. Әлеге чарага милли-мәдәни берләшмәләр җитәкчеләре, Татарстан Халыклары ассамблеясе хезмәткәрләре, Федераль миграция хезмәтенең Татарстан Республикасы буенча идарәсе җитәкчеләре чакырулы.

27 июнь көнне Әлмәт районы Иске Сүркә авылында республиканың аръягында яшәүче чуашларның "Учук" фестивале узачак. Быел ул өченче тапкыр оештырыла.

29 июнь - 1 июль көннәрендә "Корстон" кунакханә-сәүдә-күңел ачу комплексында "Хаҗ сәфәре: бүгенгесе һәм үткәне" дип исемләнгән II халыкара җыен узачак. Чарада Россия, БДБ һәм Балкан ярымутравы илләреннән, шулай ук изге сәфәрне оештыруда күпьеллык тәҗрибәләре булган Малайзия, Күвәйт, Согуд Гарәбстаны, Төркия, Индонезиядән танылган хаҗ оештыручылары катнашыр дип көтелә.

23 июньдә ТР Сәнәгать һәм сәүдә министрлыгында Татарстан һәм Иваново өлкәсе Хөкүмәтләре арасында ТРның нефть химиясе сәнәгате предприятиеләре интеграциясе нигезендә Иваново өлкәсенең текстиль сәнәгатен модернизацияләү мәсьәләсе турындагы килешүне гамәлгә ашыру буенча ведомствоара эшче төркемнең беренче киңәшмәсе булды.

23 июньдә ТР Министрлар Кабинетында "Импортны алыштыру - Россиядә кече һәм урта эшкуарлыкны үстерүдә яңа юнәлеш" дигән кече һәм урта эшкуарлык форумы ачылды. Форумны ТР Хөкүмәте һәм "ОПОРА Россия" Гомумроссия кече һәм урта эшкуарлык иҗтимагый оешмасы үткәрә.