ЯҢАЛЫКЛАР

Россиялеләрнең яшәү минимумына керүче азык-төлек продуктларының минималь җыелмасы бәясе 2008 елның декабрь аенда Россия буенча уртача алганда 1,1 процентка кыйммәтләнгән һәм ай ахырына аена бер кешегә 2116 сум тәшкил иткән. Бу хакта дәүләт статисткасы Федераль хезмәте хәбәр итә.

Республикада кече бизнесның эре һәм урта предприятиеләр белән нәтиҗәле хезмәттәшлегенең уңай мисалы булып мәйданында 100 дән артык арендачы предприятиеләр урнашкан «Мастер» Кама индустриаль паркы санала. Ђмма икътисади кризис җилләре аның киләчәк эшчәнлеген томан астына куя.

Бабаларыбыз тарафыннан Болгар җирендә Ислам динен кабул итүгә 1120 ел тулу уңаеннан, 13 гыйнварда истәлекле чаралар узачак, дип белдерә Islamrt.ru сайты. Бу көн хиҗри ел исәбе буенча мөхәррәм аеның 16нчы көненә туры килә һәм әлеге уңайдан Россия мөселманнарының Њзәк Диния нәзарәте тантаналы җыен оештыра.

12 гыйнварда ТР Мәгариф һәм фән министрлыгы йомгаклау коллегиясен уздыра. Коллегия эшендә ТР Премьер-министры Рөстәм Миңнеханов, ТР Мәгариф һәм фән министры Наил Вәлиев, ТР мәгариф идарәләре башлыклары, гомумбелем бирү учреждениеләре директорлары катнаша.

Татарстанның мәдәни тормышы узган ел шактый истәлекле вакыйгалар, эшләнгән эшләр, яулаган үрләре белән истә калырлык. Бүген ТР Мәдәният министрлыгының коллегия утырышында ТР Премьер-министры урынбасары — мәдәният министры Зилә Вәлиева 2008 елгы эшчәнлеккә багышланган хисап чыгышында әнә шуларга тукталды.

ТР Министрлар Кабинеты каршындагы Баш архив идарәсе коллегиясенең киңәйтелгән утырышы булды. Әлеге чарада ТР Премьер-министры Рөстәм Миңнеханов, ТР Дәүләт Советының мәдәният, фән, мәгариф һәм милли мәсьәләләр буенча комитеты рәисе Разил Вәлиев, Россия тарихчы-архивчылары җәмгыятенең Татарстан бүлеге рәисе Индус Таһиров, шулай ук ТР Президенты Аппараты, ТР Министрлар Кабинеты вәкилләре, республика министрлыклары һәм ведомстволары, республика һәм муниципаль архивлар җитәкчеләре катнашты.

Казан Кремлендә Татарстан Президенты Минтимер Шәймиев рәислегендә Татарстан Республикасының икътисадын дөньякүләм финанс кризис шартларында үстерүне тәэмин итү буенча Республика комиссиясе утырышы узды. Утырышта ТР Премьер-министры Рөстәм Миңнеханов, ТР Дәүләт Советы рәисе Фәрит Мөхәммәтшин, ТР Хөкүмәте әгъзалары, ТР муниципаль берәмлекләре башлыклары, республиканың зур предприятие җитәкчеләре катнашты.

6 гыйнвар көнне Татарстан Премьер-министры Рөстәм Миңнеханов ТР Юстиция министрлыгы коллегиясенең киңәйтелгән утырышында катнашты. Анда ел нәтиҗәләре буенча министрлык җитәкчесе Мидхәт Курманов чыгыш ясады.

6 гыйнвар көнне ТР Министрлар Кабинетында ТР икътисад министры Марат Сафиуллин катнашында брифинг үткәрелде. Республика муниципаль берәмлекләре белән видеоконференция режимында барган әлеге чарада министр журналистларны 2008 елда Татарстан Республикасының социаль-икътисади үсешенә алдан ясалган якынча нәтиҗәләре белән таныштырды.

3 гыйнвар көнне Буэнос-Айреста планетаның төп марафон ралли-рейды – “Дакар-2009” башлана. Њз тарихында беренче мәртәбә Көньяк Америка таулары буйлап узачак ярышларда “КАМАЗ-Мастер” командасының өч “сугышчан” экипажы стартка чыгачак.