ЯҢАЛЫКЛАР

Татарстан Президенты Минтимер Шәймиев "Динамо-Таттрансгаз" командасының Россия чемпионатында җиңүе уңаеннан волейбол командасы коллективына котлау телеграммасы юллады.

Казандагы хоккейга багышланган чаралар 15 майда башкаланың "Татнефть-арена"сында дәвам итте. Биредә узган елгы Россия чемпионатының көмеш медальләре һәм Европа чемпионнары Кубогы иясе булып танылган "Ак барс" хоккей командасын бүләкләү тантанасы узды.

15 майда РФ Хөкүмәтенең беренче вице-премьеры Дмитрий Медведев Пермьдә "Россия гражданнарына - һәркем алырлык һәм уңайлы торак" өстенлекле илкүләм проектын гамәлгә ашыру буенча Идел буе федераль округы субъектлары башлыклары белән киңәшмә үткәрә. Киңәшмәдә Татарстан Президенты Минтимер Шәймиев тә катнашты.

11 май көнне Казан Кремлендә Татарстан Президенты Минтимер Шәймиев Россия авыл хуҗалыгы министры Алексей Гордеев белән очрашты. Сүз Татарстанда "Агросәнәгать комплексын үстерү" өстенлекле илкүләм проекты үтәлүе турында барган.

Татарстан Республикасы Президенты Минтимер Шәймиев Казанның Җиңү паркында 9 Май бәйрәме - Бөек Ватан сугышында Җиңүгә 62 ел тулуга багышланган тантаналы митингта, ветераннарны, тыл хезмәтчәннәрен һәм канкойгыч сугышның барлык шаһитларын олы бәйрәм белән котлады.

Бөек Ватан сугышында Җиңүнең 62 еллыгы уңаеннан Татарстан Республикасы Президенты М.Ш.Шәймиев мөрәҗәгате.

7 майда Татарстан Республикасы Президенты Минтимер Шәймиев, Бөек Ватан сугышында яуланган Җиңүнең 62 нче еллыгы уңаеннан, Казан Кремленең Герблар залында тантаналы төстә ветераннарны кабул итте.

Татарстан Республикасы Президенты Минтимер Шәймиев исеменә Чехия Республикасы Президенты Вацлав Клаустан хат килде. Вацлав Клаус ТР Президентына Татарстанда үзен һәм чех делегациясен җылы каршы алганнары өчен рәхмәт белдерә. "Тормыш иптәшем белән без күп төрле хис-кичерешләр алып киттек. Россиянең күп кенә почмаклары безгә таныш булса да, динамик үсеш алган казан белән танышу безгә көчле тәэсир ясады", - диелә хатта.

"Тулаем алганда нәтиҗәләр өметләндерерлек. 2007 елның беренче өч аена килгәндә, сәнәгать продукциясенең 10 процент дәрәҗәсендәге үсешенә ирештек, узган ел бу күрсәткеч 7,1 процентны тәшкил иткән иде. Минем уйлавымча, быел сәнәгать продукциясе күләме күрсәткечләре үсеше узган елдагыдан да түбән булмас дигән ныклы фаразлар бар. Бу безне Татарстан буенча 700 миллиард сумлык продукция җитештерүгә якынайтачак", - дип белдерде Илбашы.