ЯҢАЛЫКЛАР
18 июль көнне республиканың Актаныш районы Пучы авылында Татарстан Президенты Минтимер Шәймиев катнашында участок хастаханәсенең реконструкцияләнгән бинасында урнашкан сәламәтләндерү үзәген ачу тантанасы узды.
Бүген Алабугада республиканың нефть тармагына багышланган киңәшмә була. Анда Татарстан Президенты Минтимер Шәймиев катнашачак.
Киңәшмәдә катнашучылар - ТР Хөкүмәте әгъзалары, "Татнефть" ААҖ һәм аның структура бүлекчәләре, кече нефть компанияләре җитәкчеләре, шулай ук нефть чыгаручы муниципаль район башлыклары 2006 елның беренче яртыеллыгына нәтиҗә ясаячак.
Бүген республиканың Лаеш районында ТР Президенты Минтимер Шәймиев катнашында Татарстанның авыл хуҗалыгы комплексы үсеше мәсьәләләре буенча семинар-киңәшмә үтә.
Семинар кысаларында анда катнашучылар Татар авыл хуҗалыгы фәнни-тикшеренү институтының тәҗрибә кишәрлекләре, институт галимнәре уйлап чыгарган игенчелектә ресурс саклаучы технологияләр, яңа сортлар, Зур Кабан авылының "Алтын башак" ҖЧҖдә реконструкцияләнгән терлекчелек биналары белән танышачак, республикада "Агросәнәгать іомплексы үсеше" өстенлекле илкүләм проектын гамәлгә ашыру аспектлары буенча фикер алышачак.
Татарстан Президенты Минтимер Шәймиев Иркутск өлкәсе губернаторы Александр Тишанинга кайгы уртаклашу телеграммасы җибәрде.
"А-310 аэробусы һәлакәте нәтиҗәсендә, күп санлы кешеләр үлеме турындагы хәбәрне авыр кабул иттек. Бөтен татарстанлылар исеменнән һәлак булучыларның туганнары һәм якыннарының тирән кайгысын уртаклашабыз һәм бу коточкыч һәлакәттә исән калучыларның тизрәк сәламәтләнүләрен телибез", - диелә телеграммада.
Аны Татарстан Президенты Минтимер Шәймиев, ТР Премьер-министры Рөстәм Миңнеханов, Федераль сәнәгать агентлыгы җитәкчесе Борис Алешин, РФ Кораллы Көчләренең кораллану башлыгы - оборона министры урынбасары, армия генералы Алексей Московский, Идел буе-Урал хәрби округы Кораллы Көчләре Генераль штабының башка офицерлары озатып йөри.