ЯҢАЛЫКЛАР

19 июнь көнне Казан Кремлендә Татарстан Республикасы Президенты Минтимер Шәймиев Франция Республикасының Россия Федерациясендәге Гадәттән тыш һәм Тулы вәкаләтле илчесе Жан де Глиниасти җитәкчелегендәге Франция Республикасы делегациясе белән очрашты.

2013 елда Казанда Универсиада үткәрү өчен, Казан шәһәре хакимияте һәм ТР Мәгариф һәм фән министрлыгы белән берлектә, инглиз телен, икътисад нигезләрен һ.б. юнәлешләрне белгән компетентлы кадрларга ихтыяҗ өйрәнелеп, әзер белгечләргә өстәп, хәзерге вакытта төрле юнәлештәге 1152 белгечкә кытлык булуы беленгән.

Татарстан Премьер-министры Рөстәм Миңнеханов белдергәнчә, социаль ипотека буенча торак төзелешендә тоткарлыклар килеп чыгуда гаепле кешеләр җавап тотачак. Бу хакта Хөкүмәт башлыгы бүген ТР Министрлар Кабинетында видеоконференция режимында узган традицион киңәшмәдә хәбәр итте.

Бу атна азагында Башкортстан вәкилләре күрше төбәкләрдә үтәчәк Сабантуй бәйрәмнәренә бара.

19 июньдә Казанда "Мәгълүмати куркынычсызлыкның Халыкара аспектлары" - "Инфофорум Евразия-2009" дип исемләнгән бишенче Евразия форумы ачыла. Моңарчы "Инфофорум" ике мәртәбә Казакъстанда һәм ике тапкыр Мәскәүдә узган иде.

Ленинград өлкәсе Тосно шәһәрендә Сабантуй 20 июньдә үтәчәк. Халкыбызның олы бәйрәме Сабантуйга тоснолылар һәрвакыттагыча киң колач белән әзерләнә. Ул быел Ленинград өлкәсе Нестеров елгасы буенда узачак.

18 июнь Татарстан юл комплексы өчен үзенә бер эпоха булды – республикада бер үк вакытта 6 иң заманча асфальт заводы эшләтеп җибәрелде. Алар Швейцариянең “Амманн” асфальт бутау җайланмасы белән җиһазландырган. Арча муниципаль районында заводны җибәрү церемониясендә Татарстан Республикасы Президенты Минтимер Шәймиев катнашты.

Россия Президенты Указы нигезендә ТР буенча эчке эшләр министры милиция генерал-лейтенанты Әсгать Сәфәров "Законлылык һәм хокук тәртибен ныгытуда куйган хезмәтләре, оператив-хезмәт эшчәнлегендәге югары күрсәткечләр өчен" IV дәрәҗә "Ватан алдындагы хезмәтләре өчен" ордены белән бүләкләнде.

21-22 июнь көннәрендә, Иске Казан җирлегендә (Биектау районы), сәләтле балалар һәм яшьләрнең республикакүләм җыены узачак.

17 июньдә ТР Дәүләт Советының Законлылык һәм хокук тәртибе комитеты үзенең күчмә утырышын республиканың Яшел Үзән районында уздырды. Утырышның көн тәртибенә чыгарылган төп мәсьәлә Яшел Үзән, Лаеш, Югары Ослан һәм Биектау муниципаль районнарында хокук бозуларга каршы профилактика алып бару белән бәйле законнарны тормышка ашыруга багышланган иде. Комитет рәисе урынбасары Рафил Ногманов берничә эшче төркеме белән берлектә әлеге районнардагы хәлне өйрәнгән.