ЯҢАЛЫКЛАР

март, 2009 ел

чәршәмбе

"Универсиада" авылы төзелеше Россия бюджетыннан финансланачак

17 мартта Мәскәүдә РФ Хөкүмәте Рәисенең беренче урынбасары Игорь Шувалов рәислегендә 2013 елда Казанда XXVII Бөтендөнья җәйге универсиадага әзерлек һәм үткәрү буенча оештыру комиссиясе утырышы узды. Утырышта Татарстан Республикасыннан Татарстан Президенты Минтимер Шәймиев, ТР Премьер-министры Рөстәм Миңнеханов, Казан мэры Илсур Метшин, ТР яшьләр эшләре, спорт һәм туризм министры Марат Бариев катнашты.

март, 2009 ел

сишәмбе

Мәскәүдә 2013 елгы Универсиадага әзерлек буенча Оештыру комитеты утырышы узачак

17 мартта Мәскәүдә Россиянең беренче вице–премьеры Игорь Шувалов рәислегендә 2013 елда Казанда Универсиада үткәрүгә әзерлек буенча Оештыру комитеты утырышы узачак.

Татарстанда яшь лидерларны ачыклаячаклар

Россия Федерациясендә Яшьләр елы кысаларында 23–27 март көннәрендә Казанның “Сосновый бор” лагеренда Татарстан Республикасы яшьләр һәм балалар иҗтимагый берләшмәләре лидерлары һәм җитәкчеләренең VII республика конкурсы узачак.

Киләсе елда Австриядә Татарстанның масштаблы презентациясе узачак

"Татарстан белән Австрия арасындагы хезмәттәшлектә потенциал тулысынча файдаланылмый. Ике якның мөмкинлекләре күпкә зуррак." Бүген Кремльдә Австриянең РФ Гадәттән тыш һәм Тулы вәкаләтле илчесе Мартин Вукович җитәкчелегендәге делегация белән очрашу вакытында ТР Президенты Минтимер Шәймиев әнә шулай дип белдерде.

март, 2009 ел

дүшәмбе

ТР Австрия белән калдыклар эшкәртү өлкәсендә хезмәттәшлек итәргә җыена

Татарстанга Австрия Республикасының РФ дәге Гадәттән тыш һәм Тулы вәкаләтле илчесе Мартин Вукович җитәкчелегендә эшлекле даирә делегациясе килде. Сәфәрнең максаты – Австрия компанияләре белән Татарстан предприятиеләре арасында икътисадның төрле өлкәләрендә хезмәттәшлекне үстерү.

ТДГПУда Әмирхан Еникинең тууына 100 ел тулу уңаеннан халыкара фәнни-гамәли конференция уза

Татар дәүләт гуманитар-педагогика университетының татар филологиясе факультеты базасында агымдагы елның 20 мартында татар әдәбияты классигы Әмирхан Еникинең тууына 100 ел тулу уңаеннан халыкара фәнни-гамәли конференция уза.

март, 2009 ел

шимбә

Милли музейда француз теле буенча бәйге үткәрелә

21 март көнне ТР Милли музеенда экскурсоводлар өчен бәйге үткәрелә. Ул, Франкофония көннәре кысаларында, “Альянс Франсез – Казан” оешмасы тарафыннан, Казан дәүләт университеты Тел институтының француз теле кафедрасы һәм Милли музей белән берлектә оештырыла.

март, 2009 ел

җомга

Казан Кремлендә Татарстан Президенты РФ һәм ТР дәүләт бүләкләре тапшырды

13 мартта Казан Кремлендә үз өлкәләрендә зур казанышларга ирешкән бертөркем хезмәт алдынгыларына Россия һәм Татарстанның дәүләт бүләкләре тапшырылды. Президент Резиденциясе залына җыелган 50 дән артык кеше арасында төрле һөнәр ияләре - дәүләт эшлеклеләре, икътисадчылар, эшчеләр, предприятие, хуҗалык, муниципалитетлар җитәкчеләре, галимнәр, хокук белгечләре, мәдәният-сәнгать әһелләре бар иде.

Г.Тукай исемендәге дәүләт бүләгенә дәгъва итүче кандидатлар исемлеге билгеле булды

Г.Тукай исемендәге дәүләт бүләкләре буенча ТР Президенты каршындагы комиссия, 2009 елда премиягә дәгъва итүчеләрнең әсәрләрен һәм эшләрен тикшергәннән соң, түбәндәге кандидатларны бүләккә тәкъдим итү турында карар кабул итте, дип белдерә ТР Мәдәният министрлыгы матбугат хезмәте.

Казан шәһәре Думасы сессиясендә мэр Илсур Метшин узган елгы эшчәнлеккә хисап тотты

Хәзерге вакытта Казан Ратушасында мэр Илсур Метшин рәислегендә шәһәр Думасының XXXIX сессиясе бара. Быел беренче үткәрелә торган сессия эшендә ТР Премьер-министрының беренче урынбасары Борис Павлов, ТР Дәүләт Советы рәисе урынбасары Александр Гусев, ТР министрлыклары һәм Хисап палатасы, шәһәр прокуратурасы җитәкчеләре һ.б. рәсми затлар, шулай ук IV чакырылыш ТР Дәүләт Советына яңа сайланган депутатлар катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ