ЯҢАЛЫКЛАР

Казан Кремлендә Татарстан Президенты Минтимер Шәймиев хәйриячеләр һәм социаль учреждение җитәкчеләре белән очрашты. “Озак эшләү елларында беренче тапкыр без сезнең белән шушындый составта очрашабыз. Күрәсең, моның өчен җитлегү кирәк булган, өстәвенә, күркәм сәбәп тә бар – бүген мөселманнарның зур бәйрәме – Рамазан, ә иртәгә Халыклар бердәмлеге көне билгеләп үтелә. Ләкин бу көнне, 4 ноябрьдә гомумроссия бәйрәме булмаса, Татарстанда барыбер бәйрәм булыр иде, чөнки бу Казан Изге ана иконасы көне”, - Президент очрашуны ачып.

Халыклар бердәмлеге көнендә – тынычлык, татулык һәм шәфкатьлелек бәйрәмендә – Татарстан Президенты Минтимер Шәймиев ТР Сәламәтлек саклау министрлыгының Республика клиника хастаханәсендә булды.

Татарстан Республикасы Президенты М.Ш.Шәймиевнең Ураза бәйрәме уңаеннан республика мөселманнарына мөрәҗәгате.

1 ноябрьдә Татарстан Президенты Минтимер Шәймиев һәм Төркия Республикасының Россиядәге Гадәттән тыш һәм тулы вәкаләтле Илчесе Курулташ Ташкент Казандагы Төркия Республикасы Генераль консуллыгының канцелярия һәм мәдәни үзәк бинасын ачуда катнаштылар.

28 октябрьдә Татарстан Дәүләт Советы сессиясе утырышында “РФ һәм ТР дәүләт хакимияте органнары арасында вәкаләтләр чикләрен билгеләү һәм үзара вәкаләтләр бүлешү” турында Шартнамәнең яңа проекты күпчелек тавыш белән хупланды.

26 октябрьдә Татарстан Президенты Минтимер Шәймиев Казакъстан Республикасына рәсми сәфәр белән китте. Сәфәр программасында КР Президенты Нурсолтан Назарбаев, Казакъстан Республикасы Парламенты Мажилиса депутатлары белән очрашу планлаштырылган.

24 октябрьдә Татарстан Президенты Минтимер Шәймиев башкала ратушасында Казан шәһәренең яңа оештырылган муниципаль берлеге вәкиллекле органы утырышында катнашты. Тавыш бирү һәм муниципалитетның вәкиллекле органына җитәкче сайлангач, ТР Президенты депутатлар алдында чыгыш ясады. «Җирле үзидарә органнарына сайлаулардан соң, республика үзенең үсешендә яңа сәяси этап башлый», - дип билгеләп үтте ул.

21 октябрьдә Казан Кремлендә Татарстан Президенты Минтимер Шәймиев Казанның архитектур йөзен камилләштерү мәсьәләләренә багышланган киңәшмә уздырды. Аның эшендә ТР Премьер-министры Рөстәм Миңнеханов, беренче вице-премьер Равил Моратов, төзелеш, архитектура һәм торак-коммуналь хуҗалык министры Марат Хөснуллин, Казан хакимияте башлыгы Камил Исхаков, архитектура-проектлау оешмалары, архитектура остаханәләре җитәкчеләре катнашты.

Татарстан Президенты Минтимер Шәймиев Казакъстан һәм Россия мөнәсәбәтләрен үстерүгә юнәлдерелгән тынычлык һәм дуслыкны ныгытуда, халыклар арасында үзара ышаныч тудыруда зур өлеш кертүдә актив эшчәнлеге өчен Казакъстан Республикасы Президентының 2005 елгы Дәүләт дуслык һәм прогресс премиясенә лаек булган, дип хәбәр итә Казакъстан Президентының матбугат хезмәте.

17 октябрьдә Казанга РФ Социаль иминият фонды рәисе Галина Карелова килде. “Казан” аэропортында аны ТР Премьер-министрының беренче урынбасары – икътисад һәм сәнәгать министры Борис Павлов һәм РФ Социаль иминият фондының ТР буенча төбәк бүлеге идарәчесе Рәшит Галимов каршы алды.