ЯҢАЛЫКЛАР
25 мартта ТР Президенты Минтимер Шәймиев рәислегендә уздырылган 1941-1945 еллардагы Бөек Ватан сугышында Җиңүнең 65 еллыгын бәйрәм итүгә әзерлек һәм аны үткәрү буенча оештыру комитетының икенче утырышын ачып, республика җитәкчесе комитетның узган елда булган беренче утырышында чишелеше озак вакыт таләп иткән бурычлар куелганлыгын искәртте.
23 мартта Сочида Россия Президенты Дмитрий Медведев физкультура һәм спортны үстерү Советы утырышын үткәрә. Утырышта Татарстан башлыгы Минтимер Шәймиев катнаша.
21 март көнне “Яшел Үзән муниципаль районы” муниципаль берәмлеге советының 41-нче сессиясендә район башлыгы Геннадий Емельянов үз вәкаләтләреннән азат ителде. Элек “Серго исемендәге завод” (“ПОЗИС") җитештерү берләшмәсен җитәкләгән Радик Хәсәнов муниципаль берәмлекнең яңа башлыгы итеп сайланды.