ЯҢАЛЫКЛАР

17 ноябрь көнне Тверь өлкәсенең “Завидово” резиденциясендә Владимир Путин “Бердәм Россия” партиясе вәкилләре белән очрашты. Әлеге очрашуда Татарстан Республикасы Президенты Минтимер Шәймиев дә катнашты.

16 ноябрьдә Татарстан Президенты Минтимер Шәймиев республиканың көньяк-көнчыгыш районнарына эшлекле сәфәрен Лениногорскида дәвам итте. Ул "Лениногорски механика заводы" җаваплылыгы чикләнгән җәмгыяте эшчәнлеге белән танышты һәм шәһәрнең яңа Гомум практика табиблары үзәген карап чыкты. 

15 ноябрьдә Татарстан Президенты Минтимер Шәймиев республиканың Бөгелмә шәһәренә эшлекле сәфәр кыла. Биредә ул Татарстан нефть фәнни-тикшеренү һәм проект институты гыйльми советының киңәйтелгән утырышында катнашты.

13 ноябрьдә Казанга эшлекле сәфәр белән РФ эчке эшләр министры - армия генералы Рәшит Нургалиев килде. 14 ноябрь көнне исә ул ТР Президенты Минтимер Шәймиев, ТР эчке эшләр министры Әсгать Сәфаров белән берлектә республика милиционерларына "Солнечный город" торак комплексында урнашкан фатир ачкычлары тапшырды.

Татарстан Республикасы Президенты Минтимер Шәймиев "Татарстан Республикасында җирле үзидарә органнарына гражданлык хәле актларына дәүләти теркәү буенча вәкаләтләрне бүлеп бирү турында" һәм "Физик культура һәм спорт турында"гы Татарстан Республикасы законнарына үзгәрешләр кертү хакындагы Татарстанның ике законын имзалады.

12 ноябрь көнне Татарстан башкаласына Дмитрий Медведев килде. РФ Хөкүмәте Рәисенең беренче урынбасары Казанга эш сәфәрен Россия Ислам университетыннан башлады. Илнең беренче вице-премьерын Татарстан Президенты Минтимер Шәймиев, Россия мәгариф һәм фән министры Андрей Фурсенко, РФ Президентының Идел буе федераль округындагы тул вәкаләтле вәкиле Александр Коновалов һәм башка рәсми затлар озатып йөри.

9 ноябрь көнне Татарстан Президенты Минтимер Шәймиев республикада оешкан җинаятьчелеккә каршы көрәшүгә зур өлеш керткән милиция хезмәткәрләрен бүләкләде. Билгеле булганча 10 ноябрьдә милиционерлар үзләренең һөнәри бәйрәмнәрен билгеләп үтәчәк. Шуңа күрә Казан Кремленә чакырып, Татарстан Президенты үзе кабул итүе милиционерлар өчен икеләтә куанычлы вакыйга булды.

Татарстан Республикасы Президенты Минтимер Шәймиев "Административ хокук бозулар хакындагы Татарстан Республикасы Кодексының 2.9 һәм 3.6 маддәләренә үзгәрешләр кертү турында", "Татарстан Республикасында җәмәгать тәртибен тәэмин итүдә гражданнарның катнашуы хакында", "Татарстан Республикасында гражданнарның мөрәҗәгатьләре хакында", "Халыкны һәм территорияләрне гадәттән тыш хәлләрдән саклау хакында" һәм "Татарстан Республикасында суд участокларын һәм җәмәгать судьялары вазифасын булдыру хакында" Татарстан Республикасы законнарына үзгәрешләр кертү турындагы Татарстан Республикасы законнарын имзалады.

ТР Президенты Минтимер Шәймиев Татарстан Республикасы законнарын имзалады.