ЯҢАЛЫКЛАР
11
август, 2007 ел
шимбә
Татарстан Президенты Минтимер Шәймиев исеменә Татарстан Республикасы альпинист-ветераннары командасыннан телеграмма килде. Телеграммада Үзәк Тянь-Шаньның Сарыджазск тау тезмәсендә 5063 метр биеклектәге исемсез тау түбәсенә менүне оештыруда күрсәтелгән ярдәм өчен рәхмәт белдерелә, дип хәбәр итә ТР Президенты матбугат хезмәте.
ТР Президенты Минтимер Шәймиев 10 августта Зәйдә "Конкурентлыкка сәләтле шәхес тәрбияләүдә хакимият, бизнес һәм мәгариф учреждениеләренең хезмәттәшлеге" дигән темага мәгариф хезмәткәрләренең республика август киңәшмәсенең пленар утырышында чыгыш ясады.
10
август, 2007 ел
җомга
Минтимер Шәймиев КДУ профессорының Татарстанда балалар өчен техник музей булдыру тәкъдимен югары бәяләде. Татарстан Президенты әлеге музейны Казанда оештырырга тәкъдим итте.
10 августта ТР Президенты Минтимер Шәймиев Зәйгә эш сәфәре барышында биредә төзелә торган Боз сарае нигезенә беренче таш салу тантанасында катнашты. Шулай ук Татарстан Президенты А.Алиш исемендәге Балалар иҗат йортында урнашкан сәләтле балалар мәктәбендә булды һәм "Конкурентлыкка сәләтле шәхес тәрбияләүдә хакимият, бизнес һәм мәгариф учреждениеләренең хезмәттәшлеге" дигән темага пленар утырышында катнашты.
9
август, 2007 ел
пәнҗешәмбе
9 августта Татарстан Республикасы Президенты Минтимер Шәймиев Казан Кремлендә ВТБ 24 Идарәсе Президенты-Рәисе Михаил Задорнов белән очрашты.
8
август, 2007 ел
чәршәмбе
Бөтенроссия җиңел атлетика федерациясе президенты Валентин Балахничев Минтимер Шәймиевкә хат җибәрде
Валентин Балахничев республикада җиңел атлетиканы үстерүгә зур игътибар бирелүе өчен Минтимер Шәймиевкә рәхмәтен белдерде.
4
август, 2007 ел
шимбә
4 августта Татарстан Президенты Минтимер Шәймиев Чирмешән авылының 275 еллыгына багышланган тантаналарда катнашты. Чирмешәндә Минтимер Шәймиев катнашында Боз спорт сарае нигезенә тәүге таш салынды һәм тарихи-туган якны өйрәнү музее ачылды.
3
август, 2007 ел
җомга
Моннан 12-13 еллар элек "Азатлык" радиосының Татар-башкорт тапшырулары редакциясе Татарстан Президенты белән телефон аша әңгәмә оештыруны кертеп җибәргән иде. Прага белән Казан арасындагы шушы күркәм традиция әле дә дәвам итә.
2
август, 2007 ел
пәнҗешәмбе
2 августта Татарстан Президенты Минтимер Шәймиев "Татарстан Республикасының Бюджет кодексына үзгәрешләр кертү турында"гы Татарстан Республикасы Законына кул куйды, дип хәбәр итә ТР Президенты матбугат хезмәте.
1
август, 2007 ел
чәршәмбе
"Түбән Кама Нефтехим" ААҖ язмышын хәл итүче объект", - Татарстан Президенты Минтимер Шәймиев 1 августта Түбән Камада яңа энергетика объектын сафка бастыру тантанасында ГТУ-75 газ-турбина җайланмасына әнә шундый бәя бирде. Чара "Түбән Кама Нефтехим" ААҖдә тәүге продукция алуга 40 ел тулуга багышланган иде.
Датасы буенча тикшерү
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз