ЯҢАЛЫКЛАР

31 августта Казанда “Россия – Ислам дөньясы” стратегик күзаллау төркеменең икенче утырышы узды. Күпсанлы кунакларны Татарстан Республикасы Президенты Минтимер Шәймиев сәламләде. Үзенең чыгышында Ил башы Татарстанның бүгенге хәленә дә тукталып үтте.

Республика көнен һәм Казанның 1001 еллыгын Татарстан Президенты Минтимер Шәймиев казанлылар белән бергә бәйрәм итте. Иртә белән ул физик культура һәм спорт эшләре буенча федераль агентлык җитәкчесе Вячеслав Фетисов һәм "Спорт" телеканалы баш мөхәррире Василий Кикнадзе белән Казанның 1000 еллыгы мәйданында "Спорт планетасы" дип исемләнгән бәйрәмне ачып җибәрде.

РЕСПУБЛИКА КӨНЕ БЕЛӘН!
Татарстан Республикасы Президенты М.Ш.Шәймиевнең мөрәҗәгате

29 августта Казанга "Россия - Ислам дөньясы" стратегик күзаллау төркеменең икенче утырышында катнашу өчен, РФ Сәүдә-сәнәгать палатасы рәисе Евгений Примаков җитәкчелегендә төрле илләрнең танылган 60 вәкиле килде.

Бүген Казан Кремлендә Татарстан Республикасы Президенты Минтимер Шәймиев вазифасына билгеләнү уңаеннан Казан югары артиллерия команда училищесы җитәкчесе, полковник Сергей Михайловны кабул итте, дип хәбәр итә ТР Президенты матбугат хезмәте.

25 августта Татарстан Республикасы Президенты Минтимер Шәймиев Казан Кремлендә Дәүләт Эрмитажының Халыкара Консультатив Советы вәкилләрен кабул итте.

25 августта Татарстан Республикасының Милли банк рәисе, ТР Дәүләт Советы депутаты Евгений Богачевка 65 яшь тулды.
Бу уңайдан ТР Президенты Минтимер Шәймиев юбилярны Казан Кремлендә кабул итте.

22 августта ТР Президенты Минтимер Шәймиев, РФ Эчке эшләр министры Рәшит Нургалиев Татарстан Эчке эшләр министрлыгының административ бинасы төзелеше барышы белән танышты.