ЯҢАЛЫКЛАР

август, 2006 ел

сишәмбе

Минтимер Шәймиев һәм РФ Эчке эшләр министры Рәшит Нургалиев Татарстан Эчке эшләр министрлыгы һәм прокуратурасы хезмәткәрләренә дәүләт һәм ведомство бүләкләрен тапшырды

22 августта Казан Кремлендә Татарстан Республикасы Президенты Минтимер Шәймиев һәм Россия Федерациясенең Эчке эшләр министры Рәшит Нургалиев катнашында “29 нчы комплекс” оештырылган җинаятьчел төркемнең эшчәнлеген фаш итүдә актив катнашкан ТР ЭЭМ һәм прокуратурасы җитәкчеләрен һәм хезмәткәрләрен бүләкләү тантанасы узды.

август, 2006 ел

җомга

18 августта Минтимер Шәймиев Казанда Федераль теркәү хезмәтенең ТР буенча Баш идарәсенең яңа бинасында булды

18 августта Татарстан Республикасы Президенты Минтимер Шәймиев һәм Федераль теркәү хезмәте директоры урынбасары – Россиянең баш дәүләт теркәүчесе урынбасары Владимир Метелкин, Россия теркәү хезмәтенең ТР буенча Баш идарәсенең яңа бинасы белән танышты.

август, 2006 ел

сишәмбе

Минтимер Шәймиев: “2011 елда XXVI Бөтенроссия Җәйге Универсиаданы Казанда үткәрү өчен көрәшү – бүгенге көндә республика алдында торган төп максатларның берсе”

15 август көнне Казан Кремлендә Татарстан Республикасы Президенты Минтимер Шәймиев катнашында “2011 елда XXVI Бөтенроссия Җәйге Универсиада үткәрү урыны итеп Казанны билгеләү процессын оештыру һәм аны тормышка ашыруны тәэмин итү турында” киңәшмә булып узды.

Президент спортчыларны котлый

Татарстан Республикасы Президенты Россия җыелма командасы составында Европа чемпионатында Гетеборгта җиңел атлетика буенча алтын медаль яулаган халыкара класслы спорт мастерлары Елена Мигунова һәм Екатерина Кондратьевага, шулай ук республиканың җиңел атлетика буенча җыелма командасының баш тренеры Ольга Павловага котлау юллады.

август, 2006 ел

җомга

Минтимер Шәймиев һәм Виктор Янукович Татарстан-Украина хезмәттәшлеге мәсьәләләре турында фикер алышты

11 августта Кырымда Татарстан Президенты Минтимер Шәймиев Украина Премьер-министры Виктор Янукович белән очрашты. Әңгәмә барышында Татарстан белән Украина арасында нефть химиясе өлкәсендә, автомобиль һәм авиация төзелеше өлкәсендә икътисади багланышларны үстерү мәсьәләләре каралды. Аерым алганда, сүз Кременчуг нефть эшкәртү заводын модернизацияләү өчен инвестицияләр җәлеп итү, нефть җибәрү, нефть продуктларына бәяләр сәясәте, шулай ук Украинада "КАМАЗ"лар җыю цехы оештыру перспективалары турында барды.

август, 2006 ел

пәнҗешәмбе

Тәтештә мәгариф хезмәткәрләренең республика август конференциясе узды

10 август көнне Тәтештә Татарстан Президенты Минтимер Шәймиев катнашында мәгариф хезмәткәрләре традицион август конференциясенең "Милли үсеш өстенлеге буларак мәгариф" темасына пленар утырышы узды.

август, 2006 ел

чәршәмбе

Татарстан Президенты Рәшид Апаковка дәүләт бүләген тапшырды

9 августта Казан Кремлендә Татарстан Президенты Минтимер Шәймиев республиканың атказанган машина төзүчесе, Россиянең мактаулы радисты, ТР Дәүләт Советы депутаты Рәшид Апаковны 60 яшьлек юбилей көне белән тәбрик итте. Озак еллар Татарстанның "Радиоприбор" ачык акционерлык җәмгыятен җитәкләп килгән Рәшид әфәндене радиоэлектроника сәнәгатен үстерүгә, республиканың икътисади үсешенә зур өлеш керткәне өчен Минтимер Шәймиев "Татарстан Республикасы алдында тәкъдир ителерлек хезмәт" ордены белән бүләкләде.

август, 2006 ел

шимбә

Татарстан Президенты - Чистай районында

5 август көнне Татарстан Президенты Минтимер Шәймиев эшлекле сәфәр белән республиканың Чистай районында булды. М.Шәймиев япма түбәле Боз сарае төзелешен башлап җибәрү тантанасына катнашты. Аннан соң Татарстан Президенты "Батыр" дип исемләнгән яңа балалар спорт комплексын ачуда катнашты.

август, 2006 ел

җомга

Татарстан Президенты ТРда Кеше хокуклары буенча вәкил белән традицион очрашу уздырды

4 август көнне Татарстан Президенты Минтимер Шәймиев Казан Кремлендә ТРда Кеше хокуклары буенча вәкил Рәшит Вәгыйзов белән очрашты. Республика башлыгының рәсми резиденциясендә узган традицион очрашуда балаларның хокукларын яклау һәм Бөтендөнья татар конгрессының халыкара оешмалар рәтенә керүе турында фикер алышынды.

август, 2006 ел

чәршәмбе

Буада районара перинаталь үзәк ачылды

2 августта Буа районында эш сәфәрендә булган Татарстан Президенты Минтимер Шәймиев районара перинаталь үзәк ачылышында катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ