ЯҢАЛЫКЛАР

Кичә Татарстан Республикасы Президенты М. Ш. Шәймиев Кремльдә талантлы балалар белән очрашты. Президент республиканың төрле шәһәр һәм районнарыннан җыелган, инде фәннең, сәнгатьнең, спортның төрле өлкәләрендә үзләрен күрсәтергә өлгергән 70 укучыны кабул итте.

2 сентябрь көне Аксубай халкы өчен, бигрәк тә аның яңа ачылган 3 нче урта мәктәбе укучылары, ата-аналары һәм укытучылары өчен истәлекле вакыйга булып күңелләрдә озак сакланыр. Чөнки бу 500 урынга исәпләнеп, бик зәвыклы, заман таләпләренә туры китереп төзелгән мәктәпне ачу тантанасында республикабыз Президенты Минтимер Шәймиев үзе катнашты. Бу вакыйгага кадәр Татарстан җитәкчесе Аксубай бистәсе читендә төзелеп ятучы яңа автозаправка янында район эшмәкәрләре белән очрашып сөйләште.

Сезне Республика көне белән котлыйм!

Кичә республиканың барлык гомумбелем бирү мәктәпләрендә, техникум һәм училищеларда, югары уку йортларында яңа уку елы башланды. Хөкүмәт җитәкчеләре бу көнне күпчелек мәктәпләрдә булып, укучыларны, ата-аналарны һәм укытучыларны Белем көне белән тәбрикләделәр.

- Әлеге бәйрәмгә куп кыенлыкларны җиңеп ирешелде, без төрле милләт һәм төрле конфессия кешеләрен берләштерүгә ирештек, - диде Татарстан Президенты Минтимер Шәймиев 30 августта Казан Кремлендә булып узган дипломатик вәкиллекләр җитәкчеләре белән очрашуда.

Бу көнне татар иле чын мәгънәсендә җырга-моңга күмелде. Басуларда кызу эш барса да, хезмәт сөючән игенчеләребез янына да барып җитте бу олуг бәйрәм тантанасы. Республикабызның барлык шәһәрләрендә, авылларында, халык яши торган һәр почмагында бердәм һәм тату Татарстан халкы Республика көнен һәм башкалабыз бәйрәмен төрлечә күңел ачу, уен-көлке, җыр-бию, хезмәт һәм спорт бәйгеләре белән билгеләп узды.

Татарстанга Россия, БДБ, Балтыйк буе илләренең, Германия, Болгариянең массакүләм мәгълүмат чараларыннан 48 журналист килде. Алар Казанның истәлекле урыннары, мәдәни, социаль-икътисадый тормышы белән таныша. Аннары алар үзләре күргәннәре һәм ишеткәннәре белән газеталарда язып, радио аша сөйләп һәм телевидениедән күрсәтеп дөньяны таныштырачак.

Казанга Чиләбе өлкәсе губернаторы Петр Сумин җитәкчелегендә өлкәнең рәсми делегациясе килде. Инде хәбәр ителгәнчә, 28 августтан 30 августка хәтле Татарстанда Чиләбе өлкәсе көннәре узачак. Халыкара "Казан" аэропортында кунакларны Татарстан Президенты Минтимер Шәймиев, Татарстан Премьер-министры Рөстәм Миңнеханов, Татарстан Дәүләт Советы Рәисе Фәрит Мөхәммәтшин, республика хөкүмәте әгъзалары, Татарстанның җәмәгатьчелек һәм дини конфессияләре вәкилләре, башкалар каршы алды.

Кайбыч районының Иске Тәрбит урта мәктәбе үзенең бер гасырдан артык яшәү гомерендә өченче тапкыр яңа йортка күчте. Ул Казан губернасының Цивиль өязенә кергән вакытта биредә беренче мәктәп 1897 елда чиркәү каршында ачыла.

Узган якшәмбедә, ягъни 24 августта башкалабыз Казанда "Бердәм Россия" сәяси партиясенең Татарстан төбәк бүлеге чираттан тыш III конференциясен үткәрде. Бу вакыйганы РФ Дәүләт Думасына һәм Татарстан парламентына сайлауларга әзерләнүнең рәсми булмаган старты дип бәяләргә мөмкин. Сәяси аналитикларыбыз фаразлаганча, конференциядә партиянең төбәк бүлеге секретаре Юрий Нәҗмиев үз ихтыяры белән вазифасыннан китте һәм бу урынга Татарстан Дәүләт Советы Рәисе Фәрит Мөхәммәтшин сайланды.