ЯҢАЛЫКЛАР

Кичә бөтендөнья татар конгрессы башкарма комитетында 7 томлык "Татар тарихы” китабының беренче кисәген тәкъдим итү тантанасы булды.

30 апрельдә Казан Кремлендә Татарстан Президенты Минтимер Шәймиев Россиянең баскетбол федерациясе президенты Сергей Чернов белән очрашты. Әңгәмә вакытында Татарстанда баскетболны үстерү перспективалары тикшерелде.

Лаеш районы авыл хезмәтчәннәре, замана кыенлыкларына карамастан, һәр тармакта тырышып хезмәт итәләр, ашлык, бәрәңге, ит, сөт, яшелчә җитештерәләр, төзелеш алып баралар, социаль-көнкүреш мәсьәләләрен уңышлы хәл кылалар. , лаешлылар-ның эшләре белән танышты, аларның тормыш-көнкүреш шартлары белән кызыксынды. Башта ул "Юбилейный" акционерлык җәмгыятендә булды, кошчылар белән очрашты, аларның эш һәм яшәү шартлары турында сорашты.

Узган шимбәдә Татарстан Президенты Минтимер Шаймиев Россиянең атказанган, Татарстанның халык артисткасы Әлфия Авзалованы 70 яшьлек юбилее белән котлады. Танылган шәхесне тәбрикләргә шулай ук Татарстан Премьер-министры урынбасары Зилә Вәлиева, Татарстан Дәүләт Советы Рәисе урынбасары Роберт Миңнуллин, мәдәният министры Илдус Тарханов, Композиторлар берлеге рәисе Рәшит Кәлимул-лин да килгән иде.

Агымдагы елның өч аенда сәнәгать җитештерүенең үсеше 105 процент тәшкил итүгә карамастан, ул нәтиҗәле булып чыкмады, диде Татарстан Президенты Минтимер Шәймиев ТР Иминлек утырышын ачканда. Утырыш 25 апрельдә Казан Кремлендә булды.

Әгәр Татарстаннан Төркиягэ нефть чыгару артса, безнең арада товар әйләнеше елга 1 миллиард доллар тәшкил итәргә мөмкин, диде Төркия Республикасының Россия Федерациясендәге Гадәттән тыш һәм Вәкаләтле вәкиле Куртулуш Ташкент 24 апрельдә Казан Кремлендә Татарстан Президенты Минтимер Шаймиев белән очрашу вакытында.

Татарстан Президенты Минтимер Шәймиев һәм Төркиянең Россия Федерациясендәге Гадәттән тыш һәм Вәкаләтле илчесе Куртулуш Ташкент әфәнде Казанда зур сәүдә кибете ачу тантанасында катнаштылар.

22 апрельдә Кремльдәге резиденциясендә Татарстан Президенты Минтимер Шаймиев Татарстан Фәннәр академиясенең Галимҗан Ибраһимов исемендәге Тел, әдәбият һәм сәнгать институты директоры Нурмөхәммәт Хисамовны кабул итте.

Татарстан Республикасы һем "Транснефть" АК" акционерлык җәмгыяте арасында үзара хезмәттәшлек турында килешү төзелде. Аңа ТР Президенты Минтимер Шаймиев һәм "Транснефть" АК" акционерлык җәмгыятенең президенты Семен Вайншток кул куйды. Шул уңайдан алар матбугат конференциясендә журналистлар белән очрашты.

17 апрельдә Казан Кремлендә Татарстан Президенты Минтимер Шәймиев танылган галим һәм педагог, Казан дәүләт педагогика университеты ректоры Җәмил Нигъмәтов белән очрашты. Бу - 64 яшьлек педагогика фәннәре докторы, профессор Җ.Нигъмәтовның, Татарстанның иң зур югары уку йортлары җитәкчеләренең берсе буларак, республика җитәкчесе белән беренче очрашуы булды. Ул КДПУ ректоры вазифасына быел-ның февраль аенда узган альтернатив сайлаулар нигезендә сайланды.